Nuh diyarı Naxçıvandan məktub...
Nuh diyarı Naxçıvandan
Gürcüstan Azərbaycanlılarının Xəbər Agentliyinin (GAXA.ge) ünvanına təbrik məktubu
daxil olub. Bu gün ad günü qeyd edilən, saytımızın təsisçisi və rəhbəri, Azərbaycanın
Əməkdar jurnalisti Nizami Məmmədzadənin ad günü münasibətilə ürək sözlərini bizə
yazan fəal oxucumuz və neçə-neçə məzmunlu məqalələr müəllifi olan filologiya
üzrə fəlsəfə doktoru, hörmətli Süsənbər Ağamalıyevanın təbrik məktubunu dərc
edirik!
Məktubda yazılıb:
“Əziz və dəyərli Nizami müəllim!
İcazə verin, Sizi, bizim və ailəmizin sevimlisi, həmçinin
özünəməxsus vətənpərvərliyi ilə illərdir ki, qələmi ilə jurnalistika cəbhəsində
vuruşan Qalib Qələm ustasının ad gününü, obrazlı şəkildə desək şad gününü ürəkdən
təbrik edək, ən xoş arzularımızı bildirək!
Qədim romalılar qeyd edir ki, heç bir universitet
ailə tərbiyəsini əvəz edə bilməz! Bu mənada hesab edirik ki, yüksək ailə tərbiyəsi
alan, kiçik yaşlarından vicdan, zəhmət, ədalət, vətənə təmənnasız xidmət
ideyları ilə tərbiyə aldığınız ailə mühiti Sizi tanıyan hər bir insan üçün əziz
və doğmadır. Bu gün Sizin ulu əcadlarınızı da hörmətlə xatırlayır və onların
ruhu qarşısında baş əyirik!
Əziz və dəyərli Nizami müəllim!
Mən Sizi Gürcüstanda "Ədəbiyyatın müasir ənənələri"
mövzusunda ənənəvi 9-cu beynəlxalq simpoziumda
tanıdım. Çox jurnalistlərdən fərqli, alicənanb, gözü tox, rüşvətdən kənar,
müqəddəs amal və ideyalarına sadiq bir şəxsiyyət kimi! Uzun illərdir ki, Sizinlə
formalaşan yüksək mənəvi dəyərlərə söykənən münasibətlərimiz mənə və ailəmə həmişə
böyük stimul verməkdədir!
Siz sözün əsl mənasında dağ ürəkli və əzəmətli Vətən
oğulusunuz! Ümummilli liderimiz Heydər Əliyev kişi mərdliyini təsvir edərkən həmişə
əsl Azərbaycan kişilərini Uca dağlarla müqayiisə edərdi. Sizin publisistik və ədəbi
yaradıcılığınızı dərindən izləyərəkən və təhlil edərkən belə qənaətə gəlmək
olar ki, Siz həm yaradıcılığınız, həm də Var olan Mən şəxsiyyətinizlə böyük Vətənpərvərsiniz!
Əziz və dəyərli Nizami müəllim!
Vətənpərvər bir şəxsiyyət kimi Sizin 44-günlük Vətən
müharibəsində nə qədər səmimi narahatlıq keçirdiyinizi və mənfur ermənilər tərəfindən
min bir hiylə ilə işğal edilmiş əzəli Azərbaycan torpaqlarının və yüksəkliklərin
Müzəffər Ali Baş Komandanının rəhbərliyi ilə şücaətli Azərbaycan Ordusu tərəfindən
işğaldan azad ediləndə keçirdiyiniz qürur və fəxarət hisslərinin yaxından
şahidi olmuş və Sizi tanımağımla qürur duymuşam. Siz adi gündə deyil, Ulu Öndərin
doğum günündə dünyaya gəlmisiniz. Onun ideyalarına sadiq və bu ideyaları həmişə
təşviq edən böyük şəxsiyyətsiniz! Bu il Qalib bir ölkənin Qalib Vətəndaşı kimi
ad gününüzü qeyd edirsiniz! Bu il Şuşa, Laçın, Kəlbəcər azaddır! Ulu Öndərin
ruhu şaddır! Onu qəlbdən sevən və dövlətimiz tərəfindən yüksək fəxri adlarla təltif
edilən Nizami müəllim də ilk dəfə ad gününü böyük fəxarətlə qeyd etməkdədir!
Qoy bizim Vətənin səmaları bu yaz günündə həmişə parlaq və Qələbə ruhlu olsun!
Əziz və dəyərli Nizami müəllim!
Bizi bir -birimizə böyük mənəvi tellər bağlayır. Hər
dəfə böyük fəxarətlə "Naxçıvandan Borçalıya salamlar" silsiləsindən
göndərdiyim məktublara həssas münasibətiniz, yazılarımı regionda tanınmış
saytınızda təmənnasız dərciniz məni ürəkdən
sevindirib və mənəvi saflığınız qarşısında özümü borclu hiss etmişəm...
İnanıram və ümid edirəm ki, Sizin yüz illiyiniz münasibətilə Sizinlə birlikdə
bir kitab hazırlayacaq və bu xatirələri orada birlikdə dərc edəcəyik!
Siz səmimi Gücüstan azərbaycanlılarının haqq səsini
işıqlandırmaqla, vətənpərvər azərbaycanlıların haqq səsisiniz! Həmişə Var olun!
Arzu edirəm ki, tarixi Vətənimiz İrəvan mahalı azad ediləndə biz oraya birlikdə
gedək!
Sizin ad gününzü ürəkdən təbrik edir, Sizə - əziz
qardaşım, bir daha ən xoş arzularımı bildirirəm. Sizə qranit tək möhkəm
cansağlığı arzulayıram! Uca Tanrı Sizi və doğmalarınızı qorusun!”
Sizə və doğmalarınıza
ən xoş arzularla və dərin hörmətlə,
Sizin Süsənbər Ağamalıyeva
Naxçıvan, 10. 05. 2021-ci il