Gürcü ekspertlər Pompeodan Amerika qoşunlarının Gürcüstanda daimi yerləşdirilməsini xahiş ediblər
Gürcüstan ekspertlər birliyi Tiflisə səfəri öncəsi
ABŞ Dövlət katibi Mike Pompeoya müraciət ediblər. GAXA-nın məlumatına görə,
ekspertlər bu barədə ABŞ Dövlət Katibinə açıq məktub yazıblar. Məktubda Amerika
Silahlı Qüvvələrinin daimi olaraq Gürcüstanda yerləşdirilməsinin zəruriliyindən
bəhs olunub.
Müraciət müəllifləri inanırlar ki, bu addımla ABŞ
Gürcüstan xalqını azadlıq yolunda dəstəkləyəcək və öz regional və qlobal
maraqlarının irəliləməsini təmin edəcək.
İmza atanlar arasında Gürcüstanın keçmiş müdafiə
nazirləri İrakli Alasania və Tina Xidaşeli, keçmiş xarici işlər naziri Tedo Caparidze,
keçmiş Avropa inteqrasiya naziri Aleksi Petriaşvili, Gürcüstanın NATO-dakı
keçmiş səfiri Qriqol Mgaloblişvili, Gürcüstanın ABŞ-dakı keçmiş səfiri Temur
Yakobaşvili, politoloqlar Tornike Şaraşenidze, Qela Vasadze və Kaxa Qoqolaşvilinin
adı qeyd olunub.
Məlumata görə, ABŞ Dövlət Departamentinin rəhbəri Mike Pompeo 17-18 noyabr tarixlərində Gürcüstana səfər edəcək. Tiflisdə prezident Salome Zurabişvili, baş nazir Qiorqi Qaxaria və xarici işlər naziri David Zalkaliani daxil olmaqla hökumət rəsmiləri ilə görüşəcək. Pompeonun ayrıca Katolikos-Patriarx II İlya ilə görüşü gözlənilir. Səfər zamanı dövlət katibinin Gürcüstanda fəal vətəndaş cəmiyyətinin nümayəndələri ilə görüşü də planlaşdırılır.
GAXA.ge