Dövlət Naziri vəzifəsini icra edən Lia Qiqauri Müqəddəs Qurban bayramı münasibətilə müsəlman vətəndaşlarımızı təbrik edib
Barışıq və Vətəndaş
Bərabərliyi Məsələləri üzrə Dövlət Naziri vəzifəsini icra edən Lia Qiqauri
Gürcüstanın bütün müsəlman vətəndaşlarını Qurban bayramı münasibətilə təbrik
edib. GAXA-nın məlumatına görə, bu barədə nazirliyin aparatı xəbər yayıb.
Təbrikdə deyilir:
"Bu müqəddəs
bayram münasibətilə hər bir müsəlmanı ürəkdən təbrik edirəm və sizə sülh,
firavanlıq və cansağlığı arzulayıram. Bu gün sizin üçün uğur və tərəqqi üçün
bir başlanğıc olmasını diləyirəm!" Sizə əsrlər boyu davam edən dinc yanaşı
yaşama, inkişaf və qarşılıqlı hörmət ənənələri arzulayıram.
COVID-19 pandemiyasının yaratdığı çətin vəziyyətdə vəzifəmiz ən qısa müddətdə
ölkəni inkişaf yoluna uğurla geri qaytarmaqdır. Bu müddətdə hər bir vətəndaşımızın pandemiya ilə mübarizəyə cəlb olunması və yüksək vətəndaş məsuliyyəti çox mühüm rol oynayır. Buna görə də
vətəndaşlarımızın hər birindən xahiş edirəm ki, müştərək səylərlə çətinlikləri
dəf etsinlər, bir-birlərinə qayğı göstərsinlər və ölkəmizi möhkəmləndirsinlər.
Bir daha təbrik
edirəm, Müqəddəs Qurban bayramı sülh, insanlara qayğı və pisliyin üzərində qələbə
bayramıdır. Bu gün müsəlmanlar ətrafındakıları dəstəkləyir və dinlərindən asılı
olmayaraq yeməklərini bölüşürlər."
Xatırladaq ki, Müqəddəs
Qurban bayramı 3 gün davam edir və Ramazan bayramından sonrakı 70-ci gündə qeyd
olunur.
GAXA.ge