Bu
gün səhər saatlarında hökümətin Qurumlararası Koordinasiya Şurasının qəbul
etdiyi qərarı ilə Gürcüstan Müdafiə Qüvvələri Bolnisi və Marneuli ərazisində koronavirusun
yayılmaması üçün profilaktik tədbirlərə cəlb edilib. GAXA-nın məlumatına görə, bu barədə Gürcüstan Müdafiə Nazirliyindən bildirilib.
Daxili
İşlər Nazirliyi ilə birlikdə Müdafiə Qüvvələri karantin zonası yaxınlığında
xüsusi buraxılış məntəqələri yaradıblar.
Gürcüstan
Müdafiə Qüvvələrinin Şərq Komandanlığı səhər saatlarında Marneuli və Bolnisi ərazilərinə
daxil olub. Gecə boyu Şərq Komandanlığı heyəti Marneuli və Bolnisi Bələdiyyələri
ilə birlikdə 5 nəzarət-yoxlama məntəqələri qurublar. Şəhərə giriş-çıxışda səhra
çadırları fəaliyyətə başlayıb, burada Müdafiə Qüvvələrinin tibb işçiləri vətəndaşları
ilk dəfə tibbi müayinələrdən keçirirlər. Gələn və çıxan nəqliyyat vasitələri
xüsusi bir maddə ilə dezinfeksiya edilir.
Bildirilib ki,Müdafiə Qüvvələrinin nümayəndələri
polislə birlikdə Marneuli və Bolnisinin bütün ərazilərinə nəzarət edəcəklər.
GAXA.ge