Gürcüstanda 7 nəfər bank hesabına pul köçürməkdə dələduzluqda ittiham olunub
Gürcüstan prokurorluğunun məlumatına görə, daha bir transmilli cinayətin üstü açılıb. Nəticədə 5 xarici ölkə və 2 Gürcüstan vətəndaşı barəsində mütəşəkkil dəstə tərəfindən dələduzluq maddəsi ilə cinayət işi başlanıb. GAXA-nın məlumatına görə, bu barədə Baş Prokurorluq xəbər yayıb.
Baş Prokurorluğun məlumatına görə, təqsirləndirilən şəxslər xaricdə yaşayan şəxslərə məxsus külli miqdarda pul vəsaitini dələduzluq yolu ilə əldə etmək məqsədilə mütəşəkkil cinayətkar qrup yaradıblar. Cinayətkar dəstənin üzvləri sosial şəbəkələrdə qeydiyyatda olan saxta səhifələrdən istifadə edərək xarici ölkə vətəndaşları ilə əlaqə yaradaraq, etimad qazanaraq, müxtəlif yalan və uydurma əsaslarla dələduzluq yolu ilə zərərçəkmiş şəxsləri bank hesablarına vəsait köçürməyə məcbur ediblər.
Prokurorluğun məlumatına görə, təqsirləndirilən şəxslər sosial şəbəkələr vasitəsilə Niderland Krallığının vətəndaşı ilə əlaqə saxlayıblar və o, mənimsədikləri 128 424 avronu Gürcüstandakı etibarlı şəxslərin bank hesablarına köçürüblər.
Cinayətkar qrupun üzvləri Gürcüstan Cinayət Məcəlləsinin 180-ci maddəsinin 3 və 4-cü hissələri (külli miqdarda mənimsəmə, başqasının əmlakını aldatma yolu ilə ələ keçirmə, mütəşəkkil dəstə tərəfindən törədildikdə dələduzluq) ilə 7 ildən 10 ilədək müddətə azadlıqdan məhrum etmə ilə ittiham olunublar.
GAXA.ge
