Azərbaycan Fövqəladə Hallar Nazirliyinin əməkdaşları Türkiyədə yanğınlar baş verən əraziləri söndürməyə davam edirlər
Türkiyədə baş vermiş güclü yanğınlarla mübarizədə
Azərbaycanın Fövqəladə Hallar Nazirliyinin əməkdaşları Türkiyəyə yola salınıb.
GAXA-nın məlumatına görə, bu barədə jurnalistlərə açıqlamasında Fövqəladə
Hallar nazirinin müavini, general-leytenant Etibar Mirzəyev bildirib.
“Bildiyiniz kimi, dünən bizim birinci dəstəmiz
Türkiyəyə yola salınıb. Hazırda onlar Marmarisdən 11 km aralıda yanğına qarşı
mübarizə aparırlar. Bu gün aldığımız məlumata görə, yanğın davam edir, Azərbaycan
Respublikası Fövqəladə Hallar Nazirliyinin yanğınsöndürmə qüvvələri yanğınların
söndürülməsi əməliyyatlarını fədakarlıqla davam etdirirlər. Onlar yerli əməkdaşlarla
birlikdə koordinasiya şəklində yanğını söndürməyə çalışırlar” – deyə nazir
müavini bildirib.
Bildirilib ki, Fövqəladə Hallar Nazirliyinin 100 əməkdaşı,
1 helikopter və 53 ədəd yanğınsöndürmə və xüsusi təyinatlı xilasetmə
texnikaları, 220 nəfər yanğınsöndürən və xilasedicilər 2 qrupa bölünərək hazırda
Türkiyədə yanğınlar baş verən əraziləri söndürürlər.
Türkiyənin yanğınsöndürənləri ölkədə qeydə alınan
107 yanğından 98-ni lokallaşdıra biliblər. Yanğın barədə Türkiyənin kənd və meşə
təsərrüfatı naziri Bekir Pakdemirli özünün "Twitter" səhifəsində məlumat
yazıb. Nazirin sözlərinə görə, 11 yerdə yanğın davam edir. Yanğınla mübarizəyə
6 təyyarə, 9 pilotsuz uçuş aparatı (PUA), bir pilotsuz helikopter, 45
yanğınsöndürmə helikopteri, bir yanğınsöndürmə tankeri, 1 080 suçiləyici və 55
inşaat maşını, 4 mindən çox heyət cəlb edilib.
Antalyadan başqa Türkiyənin Kayseri, Bodrum,
Osmaniyə, Milas, Adana, Kütahya, Mersin, Dıdım, Kuşadası, Kocaeli bölgələrində
kütləvi surətdə meşa yanğınları baş verməkdədir. Türkiyə rəsmiləri hadisənini
terror aktı olduğunu istisna etmirlər.
GAXA.ge