Marneulidə 15 yaşlı qız qaçırılıb
Marneulinin kəndlərinin
birindən 15 yaşlı qız qaçırılıb. GAXA-nın məlumatına görə, qızın qaçırılmasında
3 nəfər iştirak edib. Bu barədə Gürcüstan Daxili İşlər Nazirliyi məlumat yayıb.
Polis bütün təqsirləndirilənləri istintaq başladıqdan sonrakı ikinci gündə
saxlaya bilib. Onlardan ikisi yetkinlik yaşına çatmayan şəxsin qanunsuz qrup ilə
cinayət törətməsində, üçüncüsü də təcavüzdə ittiham olunur. Billdirilib ki, cinayətdə
iştirak edənlər Marneuli polisi tərəfindən saxlanılıb.
Daxili İşlər Nazirliyinin saytında verilən məlumata
görə, polis Marneulidə yetkinlik yaşına çatmayan bir qıza qanunsuz həbs və təcavüz
etmə faktını ortaya çıxarıb.
İstintaq müəyyən edib
ki, üç təqsirləndirilən şəxs Marneuli kəndlərindən birinin 15 yaşlı sakinini əvvəlcədən
sui-qəsd edərək oğurlayıb və qohumunun evinə aparıb. Onlardan biri qıza təcavüz
edib.
Təqsirləndirilən şəxslərdən
biri 15 yaşlı qızın qaçırılması və ona təcavüz etməsinin səbəbi onunla evlənmək
istəyi olduğunu söyləyib.
Cinayət,
"hamilə, yetkin olmayan və ya köməksiz vəziyyətdə olan bir qadına qarşı əvvəlcədən
sui-qəsd edərək bir qrup şəxs tərəfindən qanunsuz olaraq azadlıqdan məhrum etmə",
həmçinin cəzasını nəzərdə tutan "yetkinlik yaşına çatmayan şəxsin təcavüzü"
maddələri ilə cinayət işi başlanmışdır. Onları yeddi ildən 20 ilədək həbs cəzası
və ya ömürlük həbs cəzası forması gözləyir.
GAXA.ge