Marneuidə dəhşətli yol qəza hadisəsi baş verib
İyulun 18-də səhər
saatlarında Marneuli rayonunun Şulaveri kəndinin yaxınlığında dəhşətli yol qəza
hadisəsi baş verib. GAXA-nın hadisə şahidlərinin sölərinə istinadən məlumatına
görə, sürətlə şütüyən BMW markalı avtomobilin sürücüsü idarəetməni itirərək qəzaya
uğrayıb və avtomobil bir neçə dəfə aşıb. Güclü zərbə alan avtomobilin içində
iki nəfər olub. Onlardan biri əslən Marneulinin Aşağı Saral kəndindən olan müğənni
İbrahim Borçalının oğlu olub və o, hadisə yerində dünyasını dəyişib. Digər sərnişin
isə deyildiyinə görə, ağır yaralıdır. O, təcili xəstəxanaya çatdırılıb.
Qeyd edək ki, qəza
yerinə yol polis əməkdaşları və təcili yardım maşınları səfərbər olunub və
rolun arxasında olan İbrahim Borçalının qəza zamanı bərk əzilən oğlunun cəsədini
avtomobilin qapısını qaynaqla kəsərək çıxarıblar.
Qeyd edək ki,
Türkiyədə ali məktəbdə təhsil alan İbrahim Borçalının oğlu müğənninin yeganə
övladı olub.
Məlumata görə,
hazırda İbrahim Borçalı Bakıdadır. Onun Marneuliyə gələcəyi gözlənilir.
Bildirilib ki, o, Azərbaycanın müvafiq güc strukturlarının köməyi ilə sabah
oğlunun dəfnində iştirak edəcək.
GAXA.ge