Marneulidə 1300 aztəminatlı ailəyə ərzaq paylanılıb
Xüsusi karantin rejimi olan Marneuli bələdiyyəsində
aztəminatlı ailələrə ərzaq paylanılıb. GAXA-nın məlumatına görə, bu barədə Marneuli
Bələdiyyə Başçısı Zaur Dargallı bildirib. Onun sözlərinə görə, yerli idarəetmə
hakimiyyəti yerli iş adamlarının dəstəyi ilə bu gün ehtiyacı olan ailələrə yardım
verilib və daha ehtiyacı olan 1300 ailəyə yardım ediləcək.
“Ən vacib istiqamətlərimizdən biri ailələrə kömək etməkdir. Biz aztəminatlı ailələrə bir çox cəhətdən kömək edirik. Artıq 1300-dən çox ailə yardım alıb, biz bu gün Marneulidə daha 1300 ailəyə kömək edəcəyik",- deyə Zaur Dargallı bildirib.
Onun sözlərinə görə, yardım üçün bələdiyyənin ehtiyat fondundan vəsait də ayrılıb.
GAXA.ge