Siyasət

Baş nazir və Azərbaycanın DİN rəhbəri iki ölkə arasında mövcud səmərəli əməkdaşlıq məsələlərini müzakirə ediblər

21.11.2025 198

Gürcüstanın Baş naziri İrakli Kobaxidze Gürcüstanda rəsmi səfərdə olan Azərbaycan Respublikasının daxili işlər naziri Vilayət Eyvazovla görüşüb. Görüşdə iki ölkə arasında mövcud səmərəli əməkdaşlıq və strateji tərəfdaşlığın daha da dərinləşdirilməsi perspektivləri müzakirə olunub.

GAXA.ge xəbər verir ki, bu barədə məlumatı Hökumət Administrasiyasının Mətbuat Xidməti yayıb. Görüş zamanı Gürcüstan və Azərbaycanın hüquq-mühafizə orqanları arasında illər ərzində formalaşmış uğurlu ikitərəfli tərəfdaşlıq xüsusi vurğulanıb. Qeyd olunub ki, bu gün iki ölkənin daxili işlər nazirlikləri arasında imzalanmış əməkdaşlıq sazişi mövcud tərəfdaşlığın daha da gücləndirilməsinə, xüsusilə cinayətlərin qarşısının alınması, aşkar edilməsi və qabaqlanması sahələrində əməkdaşlığın genişləndirilməsinə töhfə verəcək. Görüş zamanı regionda sabitliyin qorunması və uzunmüddətli sülhün təmin edilməsinin əhəmiyyəti də diqqət mərkəzində olub. Görüşdə daxili işlər naziri Qeka Qeladze, hökumət administrasiyasının rəhbəri Levan Jorjoliani, Gürcüstanın Azərbaycan Respublikasındakı fövqəladə və səlahiyyətli səfiri Zurab Pataradze və Azərbaycanın Gürcüstandakı fövqəladə və səlahiyyətli səfiri Faiq Quliyev iştirak ediblər.

QAXA.ge

Digər xəbərlər