Laqotexidə "Qırmızı Siyahı"ya daxil olan qəhvəyi ayı növü məhv edilib
Laqodexidə qorunan ərazilərində brakonyerlik aşkar edilib - "Qırmızı Siyahı"ya daxil olan qəhvəyi ayı növü məhv edilib. Laqodexi qorunan ərazilərində brakonyerlik faktı aşkar edilib. GAXA-nın məlumatına görə, bu barədə Mühafizə olunan Ərazilər Agentliyi bildirib.
Faktla bağlı Daxili İşlər Nazirliyinin Kaxeti Polis Departamentinin Laqodexi Rayon Şöbəsində Gürcüstan Cinayət Məcəlləsinin 301-ci maddəsinin II hissəsi (qanunsuz ov) əsasında araşdırma başlanıb. Hüquq-mühafizə orqanlarının əməkdaşları cinayət işinə sübut kimi əlavə edilmiş qeydiyyatdan keçmiş silahlar və ov əti müsadirə ediblər.
Qeyd etmək lazımdır ki, Laqodexi qorunan ərazilərinə sərhəd zonaları daxildir və burada meşəbəyilər və sərhədçilər birgə nəzarət edir və brakonyerliyə qarşı mübarizədə mühüm rol oynayırlar.
"Mühafizə olunan ərazilərdə ov etmək və silah gəzdirmək qəti qadağandır və Gürcüstanın mövcud qanunvericiliyi ilə cəzalandırılır", - deyə agentlik açıqlamasında bildirib.
GAXA.ge
