Mixail Kavelaşvili Bakıya rəsmi səfəri çərçivəsində Azərbaycanın baş naziri ilə görüşüb
Gürcüstan Prezidenti Mixail Kavelaşvili Bakıya rəsmi səfəri çərçivəsində Azərbaycan Respublikasının Baş naziri Əli Əsədov ilə görüşüb. GAXA-nın məlumatına görə, bu barədə Prezident administrasiyasından məlumat verilib. Görüş çərçivəsində söhbətin əsas mövzuları iki ölkə arasında strateji tərəfdaşlığın əsas istiqamətləri və müxtəlif sahələrdə, o cümlədən çoxtərəfli regional və beynəlxalq formatlarda uğurlu əməkdaşlıq olub.
Görüşdə ticarət-iqtisadi əlaqələrin daha da dərinləşdirilməsi və birgə regional layihələr müzakirə edilib. Orta dəhlizin, o cümlədən yükdaşımaların artırılması baxımından əhəmiyyəti qeyd edilib. Cənubi Qafqaz regionunda sülhün və sabitliyin vacibliyi vurğulanıb.
Mixeil Kavelaşvili Azərbaycanın baş nazirinə Gürcüstanın suverenliyi və ərazi bütövlüyünə göstərdiyi sarsılmaz dəstəyə görə təşəkkür edib.
GAXA.ge
