Azərbaycan Gürcüstanda təhsil alan azərbaycanlı məktəblilərə sentyabrın 24-də Ana dili və ədəbiyyatı dərslikləri göndərib. GAXA-nın məlumatına görə, Azərbaycanın Elm və Təhsil Nazirliyi Azərbaycanın Gürcüstandakı səfirliyi vasitəsilə 2024-2025-ci tədris ili üçün Azərbaycandilli ictimai məktəblərə I-XI sinif şagirdlər üçün 18 adda 23 960 ədəd Ana dili və ədəbiyyatı dərslikləri çatdırıb. Kitablar yaxın günlərdə məktəblərə təqdim ediləcək.

Xatırladaq ki, Azərbaycan Gürcüstanda azərbaycanlı şagirdlərin təhsil aldığı məktəblərə hər il müxtəlif adda dərsliklər göndərir. Məlumata görə, nazirlik 1994-cü ildən bu günədək 650 mindən çox dərslik paylayıb.

GAXA.ge