Sonra Hidayət müəllim mənə qısa bir cavab yazdı: "Salam, qardaş! Mən qocalmışam, canım. Bu telefonun texniki cəhətlərini bilmirəm. İndi bacardığım qədər axtarıb tapıram və inşallah , tərəfdaş olarıq."

"İki gün bundan əvvəl el şairi Sücaətin şeirlərini Tiflisdə Az. dilində onun yaradıcılığına həsr olunmuş verilişdə səsləndirdilər. O barədə məlumat vermək istədim,- deyə ona qardaşının yaradıcılığını Gürcüstanda da sevənlər olduğunu bildirdim.

Hidayət Elvüsaldan cavab gəldi: "Təşəkkür edirəm! Həm bu xeyirxahlığı edənlərə, həm də Sizə minnətdaram."

Təşəkkürümü bildirdim və yazdım ki, təəssüf edirəm ki, qocalığı tez boynunuza aldınız!

Hidayət Elvüsal qısa bir söz yazdı: "Vaxtıdır." 

Ona cansağlığı arzuladım: "Allah cansağlığı versin! Özünüzə baxın. İnanmıram ki, belə tez qocalıbsınız. Mən görəndə vuran-tutan gənc idiniz, istedadlı jurnalist kimi yazıb-yaradırdınız!"

Keçən il noyabrın 26-da təyyarə ilə Bakıya uçdum, təəssüf ki, Hidayət müəllimlə görüşə bilmədim.

Allah rəhmət eləsin, məkanı cənnət olsun!

Dostuma dərin hörmət və ehtiramla: Nizami Məmmədzadə, Azərbaycanın Əməkdar jurnalisti

GAXA.ge