İlham Əliyev Rusiyaya işgüzar səfərə gəlib
Azərbaycan Prezidenti İlham Əliyev Moskvaya işgüzar səfərə gəlib. GAXA-nın məlumatına görə, bu barədə Azərbaycan prezidentinin mətbuat xidmətindən bildirilib. Prezident İlham Əliyevin səfəri Rusiya prezidenti Vladimir Putinin dəvəti ilə həyata keçirilir.
Məlumata görə, Vnukovo-2 hava limanında Əliyevi Rusiya xarici işlər nazirinin müavini Mixail Qaluzin və digər rəsmi şəxslər qarşılayıblar. Səfər çərçivəsində Əliyev Putinlə görüş keçirəcək.
Kremlin mətbuat xidmətinin məlumatına görə, Əliyev və Putin ikitərəfli münasibətlərin gələcək inkişafının əsas məsələlərini müzakirə edəcəklər.
GAXA.ge
