Azərbaycan Gürcüstan vasitəsilə Avropaya yaşıl enerji ixrac edəcək
Azərbaycan Gürcüstan vasitəsilə Avropaya “yaşıl enerji” ixracını təmin edir. Ötən həftə Buxarestdə Azərbaycan, Gürcüstan, Rumıniya və Macarıstan birgə müəssisənin yaradılması haqqında memorandum imzalayıblar. Bu barədə İtaliyanın corrierepl.it nəşri məlumat yayıb.
O cümlədən, Azərbaycan külək elektrik stansiyalarının istehsal etdiyi elektrik enerjisini Xəzər dənizinin sahilində, Afşeron yarımadası yaxınlığında yerləşən elektrik stansiyalarının istehsal etdiyi elektrik enerjisini Avropaya ixrac etmək niyyətindədir. Sonra isə Gürcüstan vasitəsilə bu elektrik Qara dənizin dibindən keçən kabel vasitəsilə Avropaya ixrac olunacaq.
Həmçinin Azərbaycan hökuməti 2020-ci ildə Qarabağ ətrafındakı işğaldan azad edilmiş ərazilərin potensialından istifadə etməyə hazırlaşır. Burada söhbət külək, su və günəş enerjisindən gedir. Kəlbəcər və Laçın rayonları külək enerjisinin inkişafı üçün xüsusilə cəlbedicidir. Bu ərazilərdə küləyin orta sürəti ildə 10 m/s təşkil edir. Qarabağ bölgəsinin külək potensialı təxminən 2000 meqavatdır.
“Yaşıl enerji” potensialına malik olmayan, təbii qaz və kömürdən əhəmiyyətli dərəcədə asılı olan Mərkəzi və Şərqi Avropa ölkələri Azərbaycanın “yaşıl elektrik enerjisi”ni almaqda xüsusilə maraqlıdırlar.
ABŞ Enerji Assosiasiyasının texniki qiymətləndirməsinə əsasən, Gürcüstan və Rumıniyanın tranzit şəbəkələrinin minimal modernləşdirilməsi zamanı Avropaya 1000 meqavata qədər elektrik enerjisi nəql etmək tamamilə mümkündür.
GAXA.ge
