Gürcüstanda Vahid Milli İmtahanlar iyulun 3-də başlayacaq
Milli Qiymətləndirmə və İmtahan Mərkəzinin direktoru Sofio Qorqodze media nümayəndələrinə 2023-cü il imtahanları üçün qüvvədə olacaq qaydalar və prosedurlar barədə məlumat verib. Qorqodzenin qeyd etdiyi kimi, bu il bütün Gürcüstanda 24 imtahan mərkəzi açılacaq və onlar artıq abituriyentləri qəbul etməyə tam hazırdırlar.
“Mərkəzlər Tbilisi, Batumi, Zuqdidi, Kutaisi, Poti, Axaltsixe, Qori, Ozurqeti, Rustavi, Telavi və Xuloda fəaliyyət göstərəcək. Bu il ilk dəfə olaraq Ambrolauridə imtahan mərkəzi açılır”, - Qorqodze bildirib.
2023-cü ilin Vahid Milli İmtahanları, Tələbə Qrantları Müsabiqəsi, Ümumi Magistratura İmtahanı və Böyük Xüsusi Müəllim İmtahanı üçün ümumilikdə 75 000-dən çox abituriyent qeydiyyatdan keçib, o cümlədən 45 000-dən çox abituriyent Vahid Milli İmtahanlarda iştirak etmək üçün qeydiyyatdan keçib.
GAXA.ge
