Gürcüstan vətəndaşlığının alınması prosedurları sadələşdiriləcək
Xaricdə yaşayan həmvətənlərimiz üçün Gürcüstan vətəndaşlığının alınması prosedurları sadələşdiriləcək. GAXA-nın məlumatına görə, bu barədə Gürcüstanın Ədliyyə Naziri Rati Breqadze hökumətin bugünkü iclasından sonra deyib. Nazir jurnalistlərə açıqlamasında Gürcüstan vətəndaşlığının alınması prosedurları xaricdə yaşayan həmvətənlər üçünsadələşdiriləcəyini bildirib.
Rati Breqadze Gürcüstan vətəndaşlığının alınmasında haqqında hansı dəyişikliklərin edildiyini izah edib.
“Bu gün Gürcüstan hökuməti baş nazirin tapşırığına uyğun olaraq hazırlanmış qanun layihəsini müzakirə edib. Konkret olaraq, söhbət “Gürcüstanın vətəndaşlığı haqqında” üzvi qanuna dəyişiklik layihəsindən gedir. Bildiyiniz kimi, Gürcüstan Konstitusiyasına əsasən, dövlət xaricdə yaşayan soydaşlarla əlaqələrin saxlanması və inkişaf etdirilməsi qayğısına qalır. Məhz buna görə də bizim tərəfimizdən qərara alındı ki, dövlət Gürcüstan vətəndaşlığını almaq qərarına gələn xaricdə yaşayan soydaşlarımız üçün bu prosedurları mümkün qədər sadələşdirmək üçün həmişə ağlabatan hədlər daxilində mümkün olan hər şeyi etməlidir.
Bu məqsədlə Gürcüstan vətəndaşlığını əldə etmək istəyən şəxs Dövlət Xidmətlərinin İnkişafı Agentliyinə vətəndaşlıq üçün müraciət etməzdən əvvəl müvafiq müayinədən keçməlidir və qeyri-qənaətbəxş nəticələr olduğu halda, agentlik vətəndaşlığın verilməsi ilə bağlı rəsmi prosedurlara daha başlamayacaq. İkinci dəyişiklik imtahandan kəsildiyi halda şəxsin məhdudiyyətsiz yenidən imtahan vermək hüququna malik olması ilə bağlıdır. Müsbət nəticə alsa, bir il etibarlı olacaq. Gürcüstan vətəndaşlığı üçün müraciətlə bağlı yekun mənfi qərar olduğu halda vətəndaşlığın verilməsi prosedurunun yenidən başlanması müddəti bir ildən altı aya endirilir ki, bu da Gürcüstan vətəndaşlığını əldə etmək istəyənlər üçün əhəmiyyətli üstünlük olacaq. Həmçinin, dördüncü düzəliş bizim beynəlxalq öhdəliyimizlə, yəni BMT-nin Qaçqınlar üzrə Ali Komissarlığı İdarəsi qarşısında öhdəliyimizlə bağlıdır, buna görə vətəndaşlığı olmayan şəxslərin Gürcüstanda vətəndaşlıq almaq üçün 10 illik yaşayış icazəsi 5 ilə endirilir, "deyə Rati Breqadze vurğulayıb.
GAXA.ge
