Çox yaxın və çox uzaq bölgə haqqında nə bilirik?
Kvemo Kartli bizə çox yaxın bölgədir, lakin biz hələ də bu haqda çox şey bilmirik, çünki əhalinin böyük bir hissəsini etnik azərbaycanlılar təşkil edir. Yanımızda çoxəsrlik tarixə malik olan icma Gürcüstan əhalisinin az qala 7%-ni təşkil edir, baxmayaraq ki, onlar haqqında çox şey bilmirik.
Gürcüstanın etnik azərbaycanlıları bizimlə uzunmüddətli birgəyaşayış tarixi ərzində öz zəngin folklor ənənələrini qoruyub saxlamağa, üstəlik, bu irsi yerli xarakterik və üslub xüsusiyyətləri ilə zənginləşdirməyə və inkişaf etdirməyə nail olublar.
Məhz buna görə də biz etnik azərbaycanlı həmvətənlərimizin mədəniyyəti, adət-ənənələri, folklor irsi ilə yaxından tanış olmaq, onlara yaxınlaşmaq qərarına gəldik. Bu məqsədlə biz “Gürcüstan azərbaycanlılarının aşıqlıq ənənələri və xalq həyatı” layihəsi hazırlamışıq, bu layihə çərçivəsində Kvemo Kartlidə yaşayan etnik azərbaycanlıların musiqisinin tədqiqi, populyarlaşdırılması, peşəkar musiqi təhsili və beləliklə, mədəni təcridin aradan qaldırılması haqqında gənclərə bu istiqamətdə məlumatların verilməsi nəzərdə tutulur.
Layihənin əsas eksperti Gürcüstan "El aşıqları" Birliyinin direktoru Nargilə Mehtiyevadır. O, bizə məsləhətlər verəcək, icma üzvləri ilə koordinasiya və ünsiyyət qurmağa kömək edəcək.
Planlaşdırılan fəaliyyətlər bir neçə mərhələdədir və yekun təqdimat 2023-cü ilin oktyabrında layihədə nəzərdə tutulan fəaliyyətləri əks etdirən filmin nümayişi ilə başa çatacaq.
Layihənin maliyyə dəstəyi və tərəfdaşları: Gürcüstan Açıqlar Cəmiyyəti Fondu və Folklor Mərkəzidir.
GAXA.ge
