Samirə Bayramova: “Bu ölkə, bu vətən bizimdir”
Dünən Gürcüstan paytaxtındakı parlament binasının qarşısında baş
tutan “Avropaya doğru” mitinqdə yüzlərlə Tiflis və ətraf rayonlardan gələn
insanlar iştirak edib. Tədbirdə hər kəs ürəyindən gələn sözləri deyə bilib. Həmin
tədbirdə gənc alim, ictimai fəal, tərcüməçi Oqtay Kazımov və ictimai fəal Samirə Bayramov da
çıxış edərək gürcü və azərbaycanlılar qarşısında ürək sözlərini deyiblər.
S. Bayramova çıxışına həyəcan dolu sözlərlə başlayıb. O, bildirib ki,
bu mitinqə ona görə gəlib ki, bütün Gürcüstan burdadır və azərbaycanlıların necə bir Gürcüstan vətəndaşları
olduqlarını bildirsin!
Sonra S. Bayramova Azərbaycan dilində mitinq iştirakçılarına müraciət
edib:
“Əziz azərbaycanlılar! Biz-Gürcüstan azərbaycanlıları, eyni zamanda
avropalıyıq! Çünki gürcüstanlı olmaq avropalı olmaq deməkdir! Biz həmişə bu ölkənin
mərd və əsl real dostları və vətəndaşları olmuşuq. Bundan sonra bu şəkildə
davam etməliyik, çünki bu ölkə, bu vətən bizimdir. Bundan sonra gedəcək heç bir
yerimiz yoxdur. Ona görə hər biriniz-Gürcüstanda yaşayan azərbaycanlılar
unutmayın ki, bu ölkə, bu vətən sizindir, burdan başqa sizin vətəniniz yoxdur.
Bu gün Gürcüstanda tarixi bir gündür! Biz də bu tarixi gündə imza atanlardan
biri olmalıyıq. Heç vaxt deməyin ki, bura bizə aid edyil, Avropa Birliyi bizi
maraqlandırmır. Bura bizim hamımızı maraqlandırır, çünki bu ölkə bizimdir. Sizi
çox sevirəm və biz birlikdə güclüyuk. Biz vahid və bütöv Gürcüstan üçün birlikdəyik.
Yaşasın Gürcüstan!”
Gənc alim, ictimai fəal və tərcüməçi Oqtay Kazımov mitinqdə gürcü dilində alovlu çıxışı zamanı "Avropaya doğru" fikirləri ilə ictimaiyyət nümayəndələrinin dəfələrlə alqışlanan dəstəyini qazanıb. O, çıxışında Avropanın dostluq birliyi olduğunu vurğulayıb.
Qeyd edək ki, dünən baş tutan mitinqdə çıxış edən hər iki azərbaycanlı
gənc fəalın çıxışları mitinq iştirakçıları tərəfindən alqışlarla qarşılanıb.
GAXA.ge