Parlament sədri Arıxlı (Naxiduri) kəndinə səfər edib
Səfər çərçivəsində Gürcüstan parlamentinin sədri
Şalva Papuaşvili bir qrup deputatla birlikdə Bolnisi Bələdiyyəsinin azərbaycanlıların
kompakt yaşadığı Naxiduri (Arıxlı) kəndindəki ictimai məktəbdə olub. GAXA-nın məlumatına
görə, rəsmi şəxslər məktəbin IV sinfinin “Gürcü dili” dərsində iştirak ediblər.
Parlament sədri və deputatlar Bolnisi Bələdiyyəsinin müxtəlif məktəblərinin
direktorları, müəllimləri və yerli resurs mərkəzinin nümayəndələri ilə görüş
keçirib, dövlət dilinin mənimsənilməsinin
vacibliyindən danışıblar.
Şalva Papuaşvili Gürcüstanda yaşayan etnik
azlıqların keyfiyyətli təhsilə çıxışının təmin edilməsi baxımından parlamentin
roluna və gələcək planlara diqqət çəkib. Parlamentin Təhsil və Elm komitəsinin
rəhbəri Giorgi Amilaxvari, Regional siyasət komitəsinin rəhbəri Sozar Subari,
İnsan haqları və vətəndaş inteqrasiyası komitəsinin sədri Mixeil Sarcveladze,
deputatlar Qoqi Meşveliani və Xatuna Kvitsiani müəllimləri maraqlandıran
suallara cavab veriblər.
G.Amilaxvari jurnalistlərə açıqlamasında Bolnisinin
Naxiduri (Arıxlı) kənd ictimai məktəbində “Gürcü dili” dərsində iştirak etdiklərini,
müəllimlər, məktəb rəhbərləri ilə görüşdüklərini və dövlətin keyfiyyətli təhsilə
tam çıxışını təmin etmək üçün etnik
azlıqların üzləşdiyi bütün çətinlikləri müzakirə etdiklərini bildirib".
Səfər çərçivəsində Şalva Papuaşvili və digər rəsmi
şəxslər əhali ilə görüşdə iştirak ediblər. Şalva Papuaşvili "Tarixi-mədəni
ənənələrə uyğun olmayan soyadların dəyişdirilməsi haqqında" qanun layihəsi
ilə bağlı görüş iştirakçıları olan azərbaycanlılara ətraflı məlumat verib.
GAXA.ge