Türkiyədə Rizə-Artvin Hava Limanının açılışı olub
Dənizin üzərində
inşa edilən nəhəng layihələrdən biri olan Rize-Artvin Hava Limanının açılışı təkcə
qardaş Türkiyə dövləti üçün yeni logistik imkanlar yaradan, iqtisadi əhəmiyyətli
hava dəhlizinin fəaliyyətə başlaması deyil, həm də siyasi çəkisi olan hadisə
kimi tarixdə yerini alacaq. GAXA-nın məlumatına görə, limanın açılış mərasimində
Türkiyə Prezidenti Rəcəb Tayyib Ərdoğan və Azərbaycan Prezidenti İlham Əliyev
birlikdə iştirak ediblər. Rizə-Artvin Hava Limanının açılışında "Bir millət,
iki dövlət" şüarı səslənib.
Rize-Artvin
Hava Limanının açılışı böyük məna ifadə edib. İki qardaş ölkə rəhbərinin növbəti
dəfə bir araya gəlib mühüm layihənin həyata vəsiqə qazanmasına imza atması, ilk
nöbvədə Azərbaycan-Türkiyə münasibətlərinin ən üst səviyyədə olduğunu və bu əlaqələrin
ardıcıl inkişafı üçün davamlı addımların atılmasını ortaya qoyur.
Ötən il
Türkiyə Prezidentinin Füzuli Beynəlxalq Hava Limanının açılışında iştirakı və
bununla da hava limanında ilk rəsmi səfərin gerçəkləşməsi Türk tarixinin ən
möhtəşəm səhifələrindən biridir. Bu gün isə Prezident İlham Əliyev Rize-Artvin
Hava Limanına eniş edən ilk dövlət rəhbəridir. Ötən il Qarabağdakı strateji
obyektin məhz Türkiyə Prezidentinin timsalında istifadəyə verilməsi, indi isə
Rizədə Beynəlxalq Hava Limanının açılışının Prezident İlham Əliyevlə birgə həyata
keçirilməsi Türkiyə və Azərbaycanın
arasındakı dostluq və qardaşlığın ən nümunəvi, oxşarı olmayan örnəyinin
bütün dünyaya nümayişidir.
Elman
Babayev, əməkdar jurnalist
GAXA.ge