Marneulidə məscid tikintisi yarımçıq qalıb, süni problemlər mövcuddur

Dünən Marneulidəki Axlı Lələ kəndinin əhalisi kənddə məscid tikintisinin dayandırılmasına etiraz olaraq aksiya keçiriblər. GAXA-nın məlumatına görə, tikinti hökumət tərəfindən inşa edilmir. Kənd əhalisinin aldığı həyətyanı sahədə tikilir. Sakinlər tikintiyə Marneuli rayon meriyası tərəfindən kömək olunmamasını deyirlər.

Dünən tikinti ilə bağlı həmin kəndə Bütün Gürcüstan Müsəlmanlar İdarəsinin şeyxi Hacı Ramin İgidov çağırılıb. O,  yarımçıq qalmış tikilinin yanında kənd sakinləri ilə görüşüb. Söhbət zamanı sakinlər etirazları haqqında ona ətraflı məlumat veriblər.

Şeyx R. İgidov sakinlərlə görüşdə Axlı Lələ kəndində tikintisi dayandırılmış məscid haqqında Marneuli meriyasına məlumat verildiyini bildirib. Bildirilib ki, tikintinin davam etdirilməsinə mane olan əsas problem tikintiyə ayrılan ərazinin kənd təsərrüfatı təyinatlı olmasıdır, yəni məscid elə yerdə tikilməlidir ki, ərazi qeyri kənd təsərrüfatı sahəsi olsun.

Təəccüblüdür, həmin tikiliyə ayrılan sahə şəxsi mülkiyyət hesab olunur və məscid tikintisinə könüllü olaraq razılıq verilib. Tikintiyə mane olan isə tikintinin məscid adı ilə inşa edilməsidir. Əsas problem də məhz budur. Axlı Lələ kənd sakinləri isə ibadət üçün qonşu kəndlərə gedirlər. Onların tələbi isə tez bir zamanda tikiliyə hökumət tərəfindən razılıq verilməsidir.

Doğrudan da əhalinin tələbi süni problemdir. Bu problemi isə tez bir zamanda həll etmək mümkündür. Tikiliyə razılığa gəlincə, meriya tərəfindən kənd əhalisinin tolantısını keçirmək və onların razılığı ilə məscidin tikintisinini davam etdirmək üçün tikilini “Ağsaqqallar Evi” adllandıraraq yarımçıq qalmış tikiliyə meriya xüsusi qərar vermək üçün sakinlərlə razılığa gəlməlidir.

GAXA.ge