Sabah Azərbaycan xalqı 44 günlük müharibənin ildönümündə də həmrəy olduqlarını bildirəcəklər
Sabah Azərbaycanda işğal altında olan torpaqların
azad olunmasının ildönümü ölkədə təntənəli şəraitdə qeyd olunacaq. GAXA-nın məlumatına
görə, bu əlamətdar gün- Anım Günü adlandırılıb. Həmin gün 44 gün davam edən
müharibədə torpaqların azadlığı uğrunda canlarından keçən hərbçilər, bütün şəhidlər
dərin ehtiramla yad ediləcək, onların ruhuna dualar oxunacaq.
Anım Günü ilə bağlı sabah Azərbaycan
Respublikasının Prezidenti, Müzəffər Ali Baş Komandan İlham Əliyev xalqa müraciət
edəcək.
Artıq bir necə gündür ölkədə Anım Gününə
hazırlıqlar gedir. Paytaxtın bəzi küçə və prospektlərində eyvanlardan bayraqlar
asılıb, hər bir vətəndaş 44 günlük müharibənin ildönümündə də həmrəy olduğunu
bildirir.
Qeyd edək ki, sabah saat 12:00-da ölkə ərazisində şəhidlərin
əziz xatirəsi bir dəqiqəlik sükutla yad ediləcək.
Xatırladaq ki, hər il sentyabrın 27-si Azərbaycanda
Anım Günü kimi qeyd ediləcək. 44 günlük müharibənin ildönümünə həsr edilən Anım
Günü xarici ölkələrdə də keçiriləcək.
GAXA.ge