Tiflisdə görkəmli türk dramaturqu Əziz Nesinin “Öldür məni, əzizim” tamaşasının premyerası keçiriləcək
Heydər Əliyev adına Tiflis Dövlət Peşəkar Azərbaycan
Dram Teatrının aktyor və aktrisalarının iştirakı ilə görkəmli türk yazıçı və
dramaturqu Əziz Nesinin “Öldür məni, əzizim” tamaşasının premyerası keçiriləcək.
GAXA-nın məlumatına görə, bu barədə teatrın bədii rəhbəri Turqay Vəlizadə bildirib.
T. Vəlizadə məlumat verib ki, tamaşanın premyerası sentyabrın 26-da saat
18:00-da Tiflisdəki Marcanişvili 8. küçəsindəki Kote Marcanişvili adına Dövlət
Dram Teatrının kiçik səhnəsində keçiriləcək.
Tamaşanın quruluşçu rejissoru və musiqi tərtibatçısı
Giorgi Apxazavadır.
Tamaşada rollarda istedadlı aktrisalardan Aida
Tağıyeva, Leyla Qasımova və aktyor Telman İsfahanlı iştirak edir.
T. Vəlizadə GAXA-ya açıqlamasında indən belə Heydər
Əliyev adına Tiflis Dövlət Peşəkar Azərbaycan Dram Teatrında maraqlı tamaşaların oynanılacağını bildirib.
Qeyd edək ki, tamaşa gürcü dilində də oynanılıb.
GAXA.ge