Marneulinin Alget kəndindən azərbaycanlı qız zorla qaçırılıb
Marneulinin Alget kəndində yaşayan gənc qız qaçırılıb. GAXA-nın məlumatına görə, 22 yaşlı Günel adlı qız anası ilə evə gedərkən naməlum şəxslər tərəfindən onlara hücum olunub və qızı zorla maşına mindirərək qaçırıblar. Hadisə zamanı maşının qarşısını kəsmək istəyən ağbirçək qadın maşının təkərləri altında qalıb və o, hadisə yerində keçinib. Kəndin içi ilə şütüyən maşın daha bir nəfərə xəsarət yetirib.
Hadisə şahidlərinin dediyinə görə, baş verən cinayətlə bağlı hələlik iki nəfər saxlanılıb. Alget kəndinin
sakinləri Marneuli Rayon Polis şöbəsinin qarşısına toplaşaraq polislərin səhlənkarlığına
qarşı etirazlarıını bildirirlər.
Sakinlər polisin nədənsə törədilən cinayətə
etinasız yanaşdığı barədə jurnalistlərə açıqlama veriblər. Qız qaçırılma "əməliyyat"ında 4 maşın olub.
Məlumata görə, cinayəti törədən şəxslər Rustavi şəhərində
saxlanılıblar.
Hazırda polis idarəsinin qarşısında gərginlik yaranıb, hökumət nümyəndələrindən, parlamentin azərbaycanlı deputatlarından, seçkilərdə mer vəzifəsinə təqdim olunan namizədlər hadisəyə münasibət bildirməyiblər.
Hadisə ilə bağlı araşdırma aparılır.
GAXA.ge