Sərhədyanı kənd olan Yırğançayda içməli su əl ilə daşınır
Gürcüstanın Dmanisi rayonunun azərbaycanlıların
kompakt yaşadığı Yırğançay kəndində içməli su qıtlığı yaranıb. Kəndə su gəlmir.
Sakinlər tərəfindən GAXA-ya verilən məlumata görə, əhali kəndə gələn yerli
özünüidarəetmə seçkilərində deputat olmaq istəyən namizədlərin təqdimatı zamanı
onlara içmək üçün su tapmayıblar.
Qeyd edək ki, Yırğançay kəndi Ermənitanla sərhəddə
yerləşir. Kənddə heyvandarlığı inkişaf etdirmək üçün şərait yoxdur, mal-qara
üçün otlaq sahələr bölünməyib. Gələcəkdə infrastruktur tikintilərindən dəm
vuran namizədlər kənddə heç bir tikinti həyata keçirməyi planlaşdırmayıblar.
Sakinlərin bildirdiyinə görə, heç kim kəndin sosial
vəziyyətini düşünmür. Kəndə tərəf uzanan yollar tamamilə bərbad vəziyyətə
düşüb. Yaxın aylardan sonra dağlıq ərazidə olan kəndə qışın erkən gəlməyi
sakinlərin boğazadək problemləri olacağı söylənilir. Kəndə istər rayondan, istərsə
də qonşu kəndlərdən minik maşını çox çətinliklə gəlir. Əhali deputat olmaq istəyən
namizədlərdən kəndin daxili yollarına asfalt çəkilməyini tələb edirlər. Sakinlər
qeyd edirlər ki, qışda kənd daxilində hərəkət etməkdə çox çətin vəziyyətə
düşürlər.
Dmanisiddə və ona qonşu olan rayon ərazilərindəki kəndlərə
nəzər salanda ölkədə Yırğançay kəndinin ən acınacaqlı bir kənd olduğunu demək
olar.
Yaxın vaxtlarda seçkilər keçiriməyi nəzərdə
tutulur. Məlumata görə, namizədlər indidən əl-ayağa düşüb səs toplamağa can atırlar.Deyildiyinə
görə, bəzi partiyaların nümayəndələri seçicilərə müəyyən qədər pul verib səs qazanmaq
üçün dəridən-qabıqdan çıxır və yalançı vədlər verirlər.
Bu faktlar barədə GAXA-ya məlumat verən sakinlər
seçicilərin bəzilərinə verilən pulun nə vaxtadək onların ailəsinə bəs edəcəyini
bildiriblər.
“Biz səsimizi layiqli namizədə verməliyik. Elə
namizədə səs vermək lazımdır ki, rahat yaşamağımız üçün kənddə infrastruktur
tikintisi həyata keçirsin, bizi narahat edən problemləri həll etsin”,-deyə
seçicilər açıqlayıblar.
GAXA.ge