Tiflisdəki sürüşmə zonasında yenidən çatlar əmələ gəlib
Aparılan gücləndirmə işlərinə baxmayaraq, sürüşmə
zonasına bitişik Tiflisin Maçavariani küçəsində nəqliyyatın hərəkəti yenidən təhlükəlidir, yamacda yeni çatlar əmələ
gəlib. GAXA-nın məlumatına görə, bu barədə Formula telekanalı xəbər verib.
Telekanalın məlumatına görə, bu dəfə çatlar təxminən
3-4 metr dərinlikdədir.
"Yenidən Machavariani yamacında, mərkəzi
magistral yolun altında çatlar əmələ gəlib", - deyə Yerin Araşdırılması
İnstitutu və Milli Seysmologiya Mərkəzinin direktoru Tea Qodoladze Facebook səhifəsində
yazıb.
Onun sözlərinə görə, çatlar yeni deyil və həmin yer
müxtəlif tikinti materialları ilə doldurulurub.
"Sürüşmə təhlükəsi olan üç xüsusi yer var.
Layihə bitdikdən sonra bu yeni yolda hərəkətin hər kəs üçün təhlükəsiz olması
üçün bu yerlərdə işlər davam edir. Maçavariani küçəsi ilə Marşal Qelovani
prospektini birləşdirəcək bir layihə",- deyə Kaladze jurnalistlərə
bildirib.
Avqustun 26 -da Maçavariani küçəsində avtomobil hərəkəti
tam bərpa edilib. Meriyadan verilən məlumata görə, ərazi artıq sürüşməyə meylli
deyil və hərəkət təhlükəsizdir.
Machavariani Küçəsində nəqliyyat bu ilin mart
ayından bitişik yamacda başlayan sürüşmə prosesləri səbəbiylə bağlanılıb. Orada
eni hər gün təxminən beş santimetr artan 20 metrə qədər dərinlikdə çatlar əmələ
gəlib. Geoloqların fərziyyələrinə görə, təxminən 800 min kubmetr torpaq kütləsi
yamacdan qoparaq şəhərin üzərinə düşə bilər.
GAXA.ge