Gürcülər iraqlı iş adamından 2,6 milyon dollar və 4 kiloqram qızıl-zinət əşyaları oğurlayıblar
İraq yerli mətbuatı baş verən hadisəni Dahukda
indiyə qədər həyata keçirilən ən böyük oğurluq planı olaraq xarakterizə edib.
GAXA-nın gürcü mətbuatına istinadən məlumatına görə, Rudaw Media Network TV
Dahukdakı polisə istinadən xəbər verir ki, Gürcüstan əsilli vətəndaş olan qadın
köməkçiləri ilə birlikdə İraqın zəngin sakinlərindən birinin evindən təxminən
2,6 milyon dollar və dörd kiloqram qızıl-zinət əşyaları çıxarib.
Hadisə sentyabrın 3-də baş verib. Yerli mətbuatın
yazdığına görə, oğurluqda dörd nəfər - iki təşkilatçı və iki icraçı iştirak
edib. Cinayət hadisəsində əli olan əsas adam Gürcüstandan İraq Kürdüstanına gələn və bir
qızıl satışı ilə məşğul olan tacirin ailəsində qulluqçu işləyən gürcü qadını
olub.
"Bu planın bir parçası idi. Qadın evdə işə
başlayanda yaxşı hazırlaşmışdı ... Ev sahibinin evdə olmadığı ortaya çıxanda o,
dostlarına zəng edərək deyib ki, gedin sakitcə oğurluq edin", - deyə cümə
günü Dahukada keçirilən mətbuat konfransında polis rəisi general Əhməd Fəxri Məcid
bildirib.
Qadın pəncərəni açıq qoyaraq evin açarlarını oğurluqda
əlbir olanlara verib. Oğruların həyata keçirdiyi planlara heç kim mane olmayıb.
Cinayətkar qrupun üzvləri bütün oğurlanmış malları anbarda gizlədərək tələsik
Kürdüstanı tərk ediblər.
Məlum olub ki, ev qulluqçusu iş adamının evində son
beş ay işləyib və oğurluqda əli olan iki köməkçi avqustun 31-də Gürcüstandan
İraqa gəlib.
Oğurluğun ən əhəmiyyətli əlaməti hadisədən sonra bu
gürcü qadının yoxa çıxması olub. Üç günlük axtarış və araşdırmalardan sonra
polis qadının “İbrahim Xəlil” sərhəd keçid məntəqəsindən keçərək Türkiyəyə
qaçdığını və özü ilə birlikdə 20 min dollar götürdüyünü müəyyən edib.
Polis videogörüntülər sayəsində pul və qızılı tapıb.
Bütün əmlak artıq sahiblərinə qaytarılıb.
Məlumata görə, indiyədək aparılan araşdırma nəticəsində
ev qulluqçusu gürcü qadını ilə əlaqədə olan 20 şübhəli şəxs ilə bağlı cinayət
işi qaldırılıb və onlardan 3 nəfəri saxlanılıb.
GAXA.ge