Gürcüstana giriş qaydaları sadələşdirilib
Gürcüstan
hakimiyyəti xarici ölkə vətəndaşlarının Gürcüstan ərazisinə girmək üçün
koronavirus testindən keçməli olduqları ölkələrin siyahısını genişləndirib.
GAXA-nın məlumatına görə, bu barədə müvafiq
hökumət qərarı Qanunvericilik Qəzetinin saytında dərc edilib.
İordaniya,
Livan və İraqdan gələn səyahətçilər üçün giriş qaydaları asanlaşdırılıb. İndi
bu ölkələrin vətəndaşları və sakinləri səfərdən ən geci 72 saat əvvəl edilən
PCR testinin yalnız mənfi nəticəsi ilə Gürcüstana daxil ola biləcəklər -
onlardan nə peyvənd pasportu, nə də karantindən çıxmaları tələb olunmayacaq.
Gürcüstanda qaldıqlarının üçüncü günündə öz hesablarına yenidən PCR testi verməli
olacaqlar.
İndiyə qədər
oxşar qaydalar aşağıdakı ölkələrə şamil olunur: AB ölkələri, İsrail, Türkiyə,
İsveçrə, Norveç, ABŞ, Böyük Britaniya və Şimali İrlandiya Birləşmiş Krallığı, Səudiyyə
Ərəbistanı, Qətər, BƏƏ, Bəhreyn, Ermənistan, Azərbaycan, Ukrayna, Qazaxıstan,
Rusiya, Belarusiya, Özbəkistan, Tacikistan, Qırğızıstan, Türkmənistan, Kanada,
Yaponiya, Küveyt, Çin, Cənubi Koreya, Oman, Moldova, San Marino, Monako,
Serbiya, İslandiya, Lixtenşteyn, Monteneqro, Andorra, Şimali Makedoniya və
Bosniya və Herseqovina.
COVID-19 əleyhinə
peyvənd edilən demək olar ki, bütün xaricilər Gürcüstana da gələ bilərlər.
Yalnız iki həftə ərzində Hindistanda olanlar istisnadır.
Gürcüstana
girərkən bütün xarici ziyarətçilərin yanında tibbi sığortası olmalıdır ki, bu
da lazım gələrsə, koronavirus infeksiyasının müalicəsi xərclərini qarşılayacaq.
GAXA.ge