Böyük Vətən müharibəsində 9 May-Qələbə Günü münasibətilə Şuşada tədbir keçirilib
Böyük Vətən müharibəsində Qələbənin 76-cı ildönümü
münasibətilə Şuşa şəhərində təntənəli tədbir
keçirilib. GAXA-nın Azərbaycan mətbuatına istinadən məlumatına görə, tədbirdə Böyük Vətən
Müharibəsi illərində misilsiz qəhrəmanlıqlar göstərmiş Azərbaycan xalqının igid
oğullarının əziz xatirəsi bir dəqiqəlik sükutla yad edilib. Təntənəli tədbirdə Azərbaycan Respublikasının
Dövlət Himni ifa olunub.
Tədbirdə faşizm üzərində qələbənin əldə edilməsində
Azərbaycan xalqının qəhrəmanlıq xidmətlərindən, Azərbaycanın milli atıcı
diviziyalarının tarixi və şanlı döyüş yolu barədə ətraflı məlumat verilib.
Qeyd edək ki, Böyük Vətən Müharibəsində 700 minə qədər
azərbaycanlı iştirak edib, onlardan 300 min nəfəri geri qayıtmayıb. Müharibədə göstərdikləri igidlik və cəsarətə görə
139 soydaşımız "Sovet İttifaqı Qəhramanı" adına layiq görülüb. 30 nəfər
azərbaycanlı müharibə iştirakçısı “Şərəf” ordeni, 170 min əsgər və zabit isə
SSRİ-nin müхtəlif orden və medalları ilə təltif olunublar. Sovet İttifaqı qəhramanları
Həzi Aslanov, İsrail Məmmədov, Adil Quliyev, Ziya Bünyatov, Mehti Hüseynzadə və
bir çoх başqaları öz qəhramanlıqları ilə хalqımızın şanlı və şərəfli tariхini
yazıblar.
GAXA.ge