Prezident Əliyev: “Azərbaycan şirkətləri Gürcüstanda fəaliyyət göstərməkdə maraqlıdır”
Azərbaycan şirkətləri Gürcüstanda fəaliyyət göstərməkdə maraqlıdır. GAXA-nın məlumatına görə, bu barədə Azərbaycan Prezidenti İlham Əliyev bildirib.
“Azərbaycan Gürcüstan iqtisadiyyatının ən böyük
investorlarından biri olmaqda davam edir. Həm də hökumətinizin çox müsbət və əlverişli
investisiya mühiti yaratmaq üçün həyata keçirdiyi islahatların yaxşı bir göstəricisidir.
Daha çox Azərbaycan şirkətinin ölkənizdə işləmək istədiyini bilirəm və bunun
baş verəcəyinə əminəm”,- deyə Əliyev Bakıda Gürcüstanın Baş naziri İrakli
Qaribaşvili ilə danışıqlar zamanı bildirib.
Əliyev, həmçinin Cənubi Qaz Dəhlizi layihəsinin həyata
keçirilməsindəki dəstəyə görə Gürcüstan hökumətinə minnətdarlığını bildirib.
“Bu layihə təkcə Cənubi Qafqaz bölgəsi üçün deyil,
həm də bütün Avrasiya bölgəsi üçün ümumi inkişaf, sabitlik, proqnozlaşdırma və əməkdaşlıq
baxımından əhəmiyyətlidir. Yenidən deyirəm, bizim əməkdaşlığımız olmadan mümkün
olmazdı”,- deyə Əliyev qeyd edib.
Prezident enerji və nəqliyyat sahələrində həyata
keçirilən birgə layihələrin bölgənin siyasi, iqtisadi, nəqliyyat və enerji xəritəsini
dəyişdirdiyini də əlavə edib. Əliyev qeyd edib ki, Azərbaycan və Gürcüstan
arasında güclü tərəfdaşlıq olmasaydı, bu layihələr həyata keçirilməzdi.
GAXA.ge