2021-ci il üçün paytaxtın büdcəsi 78 milyon lari artıb. GAXA-nın məlumatına görə, müvafiq qərar Tiflis bələdiyyə məclisinin (sakrebulo) iclasında qəbul edilib. Bu barədə məlumat Tiflis bələdiyyəsi  tərəfindən yayılıb.

Məlumata görə, Tiflisin maliyyə sənədindəki dəyişiklikləri iclasda meriyanın maliyyə xidmətinin rəhbəri Qayoz Talakvadze təqdim edib. Onun sözlərinə görə, paytaxtın büdcəsi 78 milyon lari artaraq 191 milyon 310 min lari təşkil edib. Şəhər xidmətinin rəhbəri qeyd edib ki, 78 milyon larinin 30 milyonu mərkəzi hakimiyyət orqanlarının köçürmələri, qalanları isə fərqli gəlirlərdir.

Tiflisin Bələdiyyə sədri Georgi Tkemaladzenin dediyi kimi, paytaxtın bu il üçün büdcəsi görünməmiş dərəcədə yüksəkdir və şəhərin qarşılaşdığı bütün tələblərə cavab verir.

“Paytaxtın artırılmış büdcəsi aşağıdakı prioritetlərə və sahələrə görə paylanacaq: infrastruktur layihələri, nəqliyyat infrastrukturunun yaxşılaşdırılması üçün tədbirlər, şəhər sərnişindaşıma üçün subsidiyalar, ərazinin abadlaşdırılması və təmizlənməsi üçün tədbirlər, səhiyyə və sosial tədbirlər, məktəbəqədər təhsil müəssisələri, sosial cəhətdən imkansız və müvəffəqiyyətli şagirdlərə yardım, idman meydançalarının inşaatı, yenidənqurma işlərinə xərclənəcək.

Bundan əlavə, büdcə ilə müəyyənləşdirilən siyahıya yeni bir proqram əlavə edildi - 13-14 iyun 2015-ci il tarixlərində yağan güclü yağışlar nəticəsində meydana gələn fəlakətin nəticələrini aradan qaldırmaq üçün tədbirlər planlaşdırılır”,- deyə bələdiyyə sədri bildirib.

GAXA.ge