Dövlət Naziri Tea Axvlediani Gürcüstan xalqını “Gürcü Dili Günü” münasibətilə təbrik edib
Barışıq və Vətəndaş Bərabərliyi üzrə Dövlət Naziri Tea Axvlediani Gürcüstan xalqını “Gürcü
Dili Günü” münasibətilə təbrik edib. GAXA-nın məlumatına görə, təbrikdə
deyilir:
"Hörmətli vətəndaşlar, bu əlamətdar tarix – “Gürcü Dili Günü” münasibətilə sizi
təbrik
edirik! Çoxəsrlik tarixə malik gürcü dili ən böyük sərvətimiz və dövlətçiliyimizin təməlidir. Gürcü dili müxtəlif
inkişaf mərhələlərində bir
çox çətinliklərə məruz
qaldı, hətta
mövcudluğu təhdid olundu, lakin böyük səylər,
birlik və
bütövlükdə cəmiyyətin
birləşdirilməsi nəticəsində
gürcü dili qorunub saxlanıldı, daha da inkişaf etdirildi və
möhkəmləndi.
Təəssüf ki, Abxaziya və Tsxinvali bölgələrində gürcü dilində təhsilə giriş hələ də ciddi şəkildə məhdudlaşdırılır ki, bu da əsas
insan hüquqlarının kobud şəkildə pozulması və etnik ayrıseçkiliyin təzahürlərindən
biridir. Gürcüstan hökuməti işğal altında olan ərazilərdəki həmvətənlərimizə yer
üzündə
gürcü dilini öyrənməyə imkan yaratmaq üçün beynəlxalq
tərəfdaşlarla
fəal
iş aparmaq da daxil olmaqla səylərini əsirgəmir. Bundan əlavə, hökumət Gürcüstanın nəzarətində olan ərazidə təhsilin bütün səviyyələrinə daha asan çatmağı təmin edən bir sıra proqramlar hazırlamışdır.
Bizim dövlət borcumuz və böyük məsuliyyətimiz yalnız dövlət dilinə hörmət etmək deyil, həm də ona qayğı göstərmək, hər bir vətəndaşı gürcü dilini öyrənməyə təşviq
etmək və
bununla da dilimizin əhəmiyyətini və statusunu gücləndirməkdir. Dövlət dilini bilmə səviyyəsinin yüksəldilməsi, səmərəli işləməsinin və populyarlaşdırılmasının təmin
edilməsi
dövlətin
vətəndaş
bərabərliyi
və
inteqrasiyası siyasətinin vacib prioritetidir. Son illərdə
etnik azlıqlar, xüsusilə də gənclər arasında gürcü dilinin biliklərini
əhəmiyyətli
dərəcədə
yaxşılaşdıran bir sıra mexanizmlər tətbiq olundu. Bu istiqamətdə səylər
daha da gücləndiriləcək.
Bu gün i sizbir daha təbrik
edirəm!
Birlikdə
gürcü dilinin qorunması və inkişafı ilə məşğul olaq!”,
- deyə Dövlət Naziri bildirib.
14 Aprel Gürcüstanda Ana Dili Günüdür. Bu gün,
1990-cı ildən bu yana 14 Aprel 1978 hadisələrini
anmaq üçün təsis edilmişdir. Gürcü dilinin dövlət
dili statusunu itirdiyinə görə Sovet rəhbərliyinin təşəbbüsü cəmiyyət tərəfindən kütləvi
etirazlarla qarşılanıb.
GAXA.ge