Anar Cəfəri və Şaban Məmmədovun oxuduğu “Gürcüstandan səslənirik biz” klipi Türkiyədə yayımlanıb
İstambulda
fəaliyyət göstərən özəl REACTION kanalı youtube.com
ilə Marneulidən olan gənc müğənnilərimiz Anar Cəfəri və Şaban Məmmədovun
oxuduğu “Gürcüstandan səslənirik biz” klipini yayımlayıb. GAXA-nın məlumatına
görə, kanal vasitəsi ilə tamaşaçılara müraciət edən aparıcı gənc müğənnilərin
istedadına heyran qaldığını və xüsusən, istedadlı müğənni Şaban Məmmədovun
mahnıları qəlbi ilə gördüyünü və oxuduğunu bildirib.
Xatırladaq ki, klip Azərbaycan Ordusuna dəstək üçün çəkilib. Klipdə Azərbaycan və Türkiyə, Gürcüstan və digər ölkələrin bayraqları dalğalandırılıb. Aparıcı Gökhan bəy hər iki gənc və istedadlı müğənniləri təbrik edib və onlara uğurlar arzulayıb və yeni videolarını gözlədiyini bildirib.
Sonda gənc müğənni Şaban Məmmədov çəkdikləri klipin videosunu yayımladığı üçün aparıcı Gökhan bəyə təşəkkürünü bildirib və mahnını dinləyərək mutlu olduğunu bildirib. O, videonu izləyən tamaşaçılara da xüsusi təşəkkür ünvanlayıb.
GAXA.ge