İrakli Qaribaşvili: "Batumi stadionu Acarıstanda idman turizminin inkişafına və sağlam bir həyatın gücləndirilməsinə kömək edəcək"
Gürcüstanın
Baş naziri İrakli Qaribaşvili, Acarıstan Muxtar Respublikasının sədri Tornike
Rijvadze ilə birlikdə ot örtüyünün bərpası işlərinin aparıldığı Batumi futbol
stadionuna baxış keçirib. GAXA-nın məlumatına görə, hökümət başçısı Batumi
stadionunun Acarıstanda idman turizminin inkişafına və sağlam bir həyatın gücləndirilməsinə
kömək edəcəyini vurğulayıb. Futbol stadionu idman tədbirləri ilə yanaşı, müxtəlif
mədəni tədbirlərə də ev sahibliyi edəcək. Baş nazirin sözlərinə görə, stadionun
2023-cü ildə keçiriləcək UEFA 21 yaşadək futbolçular arasında Avropa
çempionatının final oyunlarına ev sahibliyi etmək hüququ qazanması vacibdir. Həm
də baharda stadionda Gürcüstan Milli Liqasının oyunları keçiriləcək.
Hibrid
sahə Barselonadakı "Camp Nou" və Milandakı "San Siro"
stadionları da daxil olmaqla, dünyada hibrid örtüklü 100-dən çox stadiona sahib
olan dünyanın aparıcı İngilis şirkəti "SISPICHES" tərəfindən təşkil
edilib. Hibrid sahənin təşkili layihəsi "Anag" stadion inşaat şirkətinin
vəsaiti ilə həyata keçirilib.
UEFA
Kateqoriya 4 standartlarına uyğun olaraq inşa edilmiş Batumi Futbol Stadionu
20.000 tamaşaçı üçün nəzərdə tutulub və ən son model işıqlandırma, səs və digər
sistemlərlə təchiz edilib. Əlavə olaraq stadionda süni günəş quraşdırılıb.
Futbol
stadionu Gürcü rəqsi Xoruminin motivləri ilə inşa edilib. Müvafiq matça uyğun
olaraq fərqli rənglərdə işıqlandırılacaq stadionun fasadına müasir işıqlandırma
sistemi quraşdırılıb. Acarıstan Muxtar Respublikasının büdcəsindən təqribən 141
milyon lari ilə maliyyələşdirilən stadionun tikintisində 500 nəfər işlə təmin
edilib.
GAXA.ge