Məhsul bolluğu yaratmaq üçün ilk növbədə suvarma su çatışmazlığını həll etmək lazımdır
Son vaxtlar Gürcüstan hökuməti kənd təsərrüfatı sahəsinə
maliyyə yardımı göstərir və bu sahədə biznesi inkişaf etdirir. GAXA-nın məlumatına
görə, buna baxmayaraq bu sahədə nöqsanlar mövcuddur. Yazın başlanması ilə bağlı
azərbaycanlıların kompakt yaşadığı bölgələrdə suvarma su çatışmazlığı ən
problemli məsələdir. Kəndlərdə yaşayan əhali indidən – yazın başlanğıcından
suvarma suyun çatşmazlığından şikayət edirlər.
Sakinlərin məlumatına görə, hazırda çayların, o cümlədən becərilən kənd təsərrüfatı məhsulları sahələrinə, o cümlədən taxıl sahələrinə suvarma su çatdırmaq problemi məhsul becərmək üçün şərait yarmağa çalşan sakinlərin əsas problemlərindən biridir.
Problemlərdən biri də çaylardan məhsul sahələrini
vaxtında suvarma suyun tənzimlənməsi üçün şlyüzlərin tikintisidir. Arxlardan
istifadə edərrək su axımı ilə sulama üsulu bir az problemli məsələdir, çünki bu
üsul ilə suvarma zamanı su itkisi yarana bilər. Şlyüz olarsa, suvarma su itkisi
olmaz. Demək olar ki, bu məsələ də kənd təsərrüfatı sahəsində çalışan insanları
düşündürür.
Sakinlər düşünürlər ki, əsası qoyulan məhsul vaxtında və keyfiyyətlə becərilərsə, bolluq həm daxili tələbatı ödəməyə, həm də ixraca imkan verəcək.
Torpağa maya qoyan hər bir sakin əməyinin zaya getməsini
istəmir, torpağın yüksək məhsuldarlığını
artırmaq istəyir. Düşünürük ki, əlaqədar təşkilatlar, suvarma su ilə məşğul
olan mütəzəssislər ölçüb-biçərək ölkəmizdə məhsul bolluğu yaratmaq üçün suvarma
su probleminin həllinə çalışacaqlar.
GAXA.ge