Keçmiş ədliyyə naziri Tea Tsulukiani Mədəniyyət, İdman və Gənclər İşləri Nazirliyinə rəhbərlik edəcək. GAXA-nın məlumatına görə, məlumatı deputat Maya Menagarişvili təsdiqləyib. "Bildiyim qədəri ilə bu planlaşdırılır",- deyə Menagarişvili qeyd edib.

Baş nazir Qiorqi Qaxaria vurğulayıb ki, hökumətin struktur dəyişikliyi haqqında bir fərman artıq hazırlanıb.

Yanvar ayının sonunda Gürcüstan Baş naziri Qiorqi Qaxaria Təhsil, Elm, Mədəniyyət və İdman Nazirliyinin iki müstəqil nazirlik - Təhsil və Elm Nazirliyi və Mədəniyyət, İdman və Gənclər İşləri Nazirliyi şəklində yaradılacağını bildirib.

Tsulukianiyə gəlincə, o, hazırda parlament üzvü və təhsil, elm və mədəniyyət komitəsinin sədridir.

Qeyd edilib ki, Tsulukiani "Gürcü Arzusu" hökumətindəki ən təcrübəli nazir idi.

GAXA.ge