Gürcüstanın şərqində zəlzələ baş verib
Zəlzələnin episentri Tiflisdən 23 kilometr aralıda,
Şida Kartli bölgəsində 18 kilometr dərinlikdə yerləşib. GAXA-nın məlumatına görə,
Gürcüstan Milli Seysmik Monitorinq Mərkəzinin verdiyi məlumatda bildirilib ki,
Gürcüstanın şərqindəki Şida Kartli bölgəsində 3.3 bal gücündə zəlzələ baş
verib.
Zəlzələ Tetritskaro şəhərindən üç kilometr (Tiflisdən
23 kilometr) 19: 20-də qeydə alınıb. Zəlzələnin episentri 18 kilometr dərinlikdə
olub.
İtki və dağıntı barədə məlumat verilməyib.
Xatırladaq ki, Gürcüstan orta seysmik aktivlik ölkəsidir.
Gürcüstanda qeydə alınan 7 bal gücündə ən güclü zəlzələ 1991-ci ildə Raça və
İmereti (Qərbi Gürcüstan) bölgələrində baş verib. Zəlzələnin mərkəzindəki
intensivlik 9 bal olub. Bu zəlzələdə təxminən 200 nəfər dünyasını dəyişib və təxminən
46.000 ev və 1000 sənaye obyekti dağılıb.
GAXA.ge