Gürcüstanda təxminən 100 min insan pandemiya səbəbindən gəlir mənbəyini itirib
Maliyyə nazirinin müavini Giorgi Kakauridze bu gün
Gürcüstanda təxminən 100.000 insanın koronavirus pandemiyası səbəbindən gəlir mənbəyini
itirdiyini söyləyib. GAXA-nın məlumatına görə, pandemiyanın yaratdığı böhranla
mübarizə üçün hökumətin anti-böhran planı üçün 3,5 milyon lari ayrılıb. İşini
itirmiş və ya ödənişsiz məzuniyyətdə olan vətəndaşlar, altı ay ərzində 1200
lari (təxminən 400 dollar) yardım aldılar. Böhran əleyhinə büdcədən 3,5 milyard
lari ayrılıb.
Bundan əlavə, qeyri-rəsmi sektorda işləyən insanlar
və ya öz-özünə məşğulluğu olan insanlar, işlərini itirmə iddialarını əsaslandıraraq
300 lari məbləğində birdəfəlik yardım almışlar. Bu proqramın büdcəsi 75 milyon
laridir.
G. Kakauridze qeyd edib ki, özünüməşğulluq yolu ilə
300 lari məbləğində dövlət dəstəyi almaq hüququ əldə edənlərin sayı artır.
Gürcüstan hökuməti, həmçinin koronavirus böhranı şəraitində
hamiləlik, doğuş, uşaq baxımı və ya övladlığa götürmə səbəbindən məzuniyyətində
işlərini itirən insanlara təzminat ödəyir. Kakauridze qeyd edib ki, bu insanlar
altı ay ərzində hər ay 200 lari alırlar.
GAXA.ge