Svanetidə 500-dən çox turist karantinə yerləşdirilib
Yüksək dağlıq Svanetidə 500-dən çox turist iki həftə müddətinə yerli otellərdə karantinə yerləşdirilib. GAXA-nın məlumatına görə, bu barədə Gürcüstan Daxili İşlər Nazirliyinin mətbuat xidməti bildirib. Məlumata görə, bir çox turistlər isə polis əməkdaşlarının müşayiəti ilə digər bölgələrdəki karantin zonalarına yerləşdirilmək üçün Mestiyadan çıxarılılıb.
Avqustun 10-dan etibarən İdarələrarası Koordinasiya
Şurasının qərarı ilə yüksək epidemioloji riskə görə, Mestia bələdiyyəsinin Mestia,
Beço, Etseri, İdliani, Ipari, Kala, Latali, Lahamuli, Landzheri, Mulaxi, Nakra,
Uşquli, Pari, Tsxumari, Tsvirma, Çuberi və Xaişi yaşayış məntəqələrinə giriş və
çıxış məhdudlaşdırılıb.
Yerli hakimiyyət orqanlarının bildirdiyinə görə, bu
vaxta qədər 518 turist karantinə alındı: onlardan 343-ü yerli otellərə, 171-i
polis əməkdaşlarının müşayiəti ilə Acarıstanın karantin zonalarına yerləşdirilib.
Bələdiyyənin bağlanmasından sonra Mestiyadakı 20
otel karantin altına alınıb. Turizm İdarəsi cəmi 340 otağı bron edib və indiyədək
həmin otaqlara182 nəfər yerləşdirilb. Svanetidə istirahətə gələn 215 adam otellərini
ümumiyyətlə dəyişdirməyib, 128 nəfər isə digər otellərə köçürülüb.
Qeyd edilib ki, Svanetidəki vəziyyət nəzarət altına
alınıb, polis Mestiyadakı karantin tətbiqinə nəzarət edir.
Mestia bələdiyyəsindən ayrılmaq istəyən vətəndaşlara
digər bölgələrdəki karantin zonalarına getmək üçün Milli Turizm İdarəsi tərəfindən
nəqliyyat verilir. Buna paralel olaraq, epidemioloqlar yerli əhalinin kütləvi
PCR testini keçirirlər.
Bu gün koronavirusa yoluxmuş 8 xəstə Svanetidən
Tiflisdəki yoluxucu xəstəliklər xəstəxanasına aparılıb.
Bu yaxınlarda, Mestia meriyasında Gürcüstan baş
nazirinin xüsusi nümayəndəsi Sozar Subari və Mestia Bələdiyyə Başçısı Kapiton
Jorjoliani tərəfindən keçirilmiş epidemiologlar ilə işçi görüşü başa çadıb.
Görüşdə təşkilati məsələlər müzakirə edilib.
GAXA.ge