Tea Axvlediani Ketevan Tsixelaşvilinin yerinə Gürcüstanın Barışıq və Vətəndaş Bərabərliyi Məsələləri üzrə Dövlət naziri təyin edilib. GAXA-nın məlumatına görə, yeni vəzifəyə təyin olunan Tea Axvlediani əvvəllər Səhiyyə Nazirinin müavini vəzifəsində çalışıb.

“Əvvəlcə onu bu böyük və məsul vəzifəyə görə təbrik etmək istərdim. Həmişə komandamızın üzvü olub. Ancaq indi bu dəyirmi masada oturacaq ... Diplomatik komandamızı həm Avropa, həm də münaqişələr istiqamətində təmsil etməkdə çox təcrübəyə malikdir",-deyə Qaxaria bildirib.

Qeyd edək ki, mayın 22-dən bəri Ketevan Tsixelaşvili Gürcüstanın Vyanadakı ATƏT missiyası və beynəlxalq təşkilatlardakı daimi nümayəndəsi, Gürcüstanın Avstriyadakı səfiri vəzifəsində çalışır. Ketevan Tsixelaşvili 2016-cı ilin iyulunda Gürcüstanın Barışıq və Vətəndaş Bərabərliyi Məsələləri üzrə Dövlət naziri təyin edilib. Bütün bu müddət ərzində o, Gürcüstan hökumətinin Abxaziya və Gürcüstanın nəzarətində olmayan Tsxinvali bölgəsi (Cənubi Osetiya) sakinlərinə təklif etdiyi xidmət və üstünlüklərdən istifadə məsələlərində, eləcə də Gürcüstanda milli azlıqların birləşməsi məsələlərində fəal iştirak edib.

GAXA.ge