Qaracalar kəndinin “Qara günləri” başlandı
Qardabaninin azərbaycanlıların
kompakt yaşadığı Qaracalar kəndində ciddi karantin elan edilib. GAXA-nın məlumatına
görə, bu xəbərdən məlumatları olan kənd sakinləri etiraz aksiyası keçirərək
karantin rejiminə qarşı mənfi münasibətlərini bildiriblər.
Artıq kəndin girəcəyinə
gediş-gəlişi yaxlamaq üçün karantin məntəqəsi qoyulub və polis əməkdaşları fəaliyyət
göstərir. Bu gün Qaracalar kəndində Kvemo Kartli bölgə qubernatoru Şota
Rexviaşvili və digər hökumət rəsmiləri olublar. Əhali ilə görüşdə koronavirusun
qaydaları haqqında söhbətlər aparılıb. Məlumata görə, kənddə artıq 60 nəfərdən
çox insan koronavirusa yoluxub.
Qeyd edilib ki, kənddə
hələlik tibbi müayinə həyata keçirilir.
Bu gün Gürcüstanın Barışıq və Vətəndaş Bərabərliyi Məsələləri üzrə Dövlət Naziri vəzifəsini icra edən Lia Qiqauri də Qaracalara səfər edib. O, qubernatora koronavirus qaydaları haqqında gürcü və Azərbaycan dilində yeni nəşr olunan 5 min ədəd broşuralar təqdim edib.
Dövlət Naziri vəzifəsini
icra edən Lia Qiqauri bildirib ki, əhali arasında koronavirusa qarşı həyata
keçirilən qaydalar haqqnda təbliğatı gücləndirmək vacibdir.
GAXA.ge