Türkiyədə işləmək üçün arzu edən vətəndaşlara icazə veriləcək
Gürcüstan vətəndaşları,
işəgötürən tərəfindən verilən üç aylıq rəsmi dəvətə sahib olduqları təqdirdə
pul qazanmaq üçün Türkiyəyə gedə biləcəklər. GAXA-nın məlumatına görə, bu qərar
Qurumlararası Koordinasiya Şurasının iclasında qəbul edilib.
"Qərara gəldik
ki, Gürcüstan vətəndaşları və ilk növbədə Acarıstan sakinləri Türkiyə
Respublikasından bir işəgötürənin verdiyi üç aylıq rəsmi dəvətnamə əsasında
Türkiyəyə işləmək üçün gedə bilsinlər. Ancaq geri qayıtdıqdan sonra onlardan
karantindən keçmələri tələb olunacaq”,- Koodinasiya Şurasının iclasında
bildirilib.
Evə qayıdan bütün
Gürcüstan vətəndaşları birbaşa sərhəddən və ya hava limanından 14 günlük məcburi
bir karantinə göndərilir. Rəsmi xarici səyahətdən qayıdanlar 14 gün ərzində hər
72 saatda koronavirus üçün PCR testlərindən keçməlidirlər.
Qeyd edək ki, mart
ayının sonundan etibarən Gürcüstan koronavirus pandemiyası səbəbiylə xarici vətəndaşlar
üçün sərhədləri bağlayıb və müntəzəm uçuşları dayandırıb. Gürcüstan vətəndaşları
çarter reysləri ilə ölkəyə qayıdırlar.
Dörd aylıq fasilədən
sonra Gürcüstan beş ölkəyə sərhədlərini açıb: Almaniya, Fransa, Latviya, Litva
və Estoniya vətəndaşlarına ölkəyə qeyd-şərtsiz giriş imkanı verilib.
GAXA.ge