İstedadlı rəssam Rizvan İsmayıl UNESCO Ümumdünya Ressamlar Ittifaqına üzv seçilib
Bu günlərdə
istedadlı rəssam, Gürcüstan Rəssamlar İttifaqının üzvü, rəqəmlərin sirri ilə
dünya ilə danışan Hacı Risvan İsmayılın nüfuzlu UNESCO Ümumdünya Ressamlar
Ittifaqına üzvlüyü təsdiqlənib. GAXA-nın məlumatına görə, bu barədə rəssamın
özü Facebook səhifəsində məlumat bildirib. O, bir
azerbaycanlı ziyalısina yaraşan, temennasız menevi destek ve qayğıya görə onun
fəaliyyətini qiymətləndirdiklərinə, UNESCO
Ümumdünya Ressamlar Ittifaqına üzvlüyə layiq bilib tesdiq etdirdiklerine göre,
tanınmış ressam cenab Refik Aziz beye ve Azərbaycanın Xalq rəssamı, YUNESKO Rəssamlar
İttifaqının üzvü, Avropa Təbiət Elmləri Akademiyasının fəxri professoru,
Vatikan Heraldika Akademiyasının qrafı Sakit Memmedova öz derin minnetdarlığını
bildirib.
Oxucularımız üçün istedadlı
rəssamın həyat və yaradıcılığı haqqında ətraflı məlumat verməyi məqsədəuyğun
hesab edirik:
Rizvan İsmayıl
1969-cu ildə Gürcüstanın Bolnisi rayonu, Zveli-Kveşi (Zol-güvəcli) kəndində
anadan olub. O, 1986-1990-cı illərdə Ə.Əzimzadə adına Azərbaycan Dövlət Rəssamlıq
məktəbində təhsil alıb. Rəssam 2007-ci ildən Tiflis, İstanbul, Brüssel,
Lüksemburq, Bakı, Paris (Karusel dyu luvr) və Moskvada fərdi və qrup sərgilərində
iştirak edib. Onun əsərləri fərdi kolleksiyaları və qalereyaları bəzəyir.
Rizvan İsmail 2015-ci ildə Gürcüstan Rəssamlar Federasiyasının üzvü, 2016-cı
ildə Azərbaycan Reklamçılar İttifaqının üzvü, bu ittifaqın Gürcüstan bürosunun
rəhbəridir. 2017-ci ildə Gürcüstan Rəssamlar İttifaqına üzv seçilib. Rəssam
2016-cı ildə Türk dünyasının “Xalqlar Dostluğu” ordeni ilə təltif edilib. O, rəssamlıq,
heykəltəraşlıq və memarlıqda tətbiq olunan yeni “Numerologizm” (Əbcədizm)
üslubunun yaradıcılarındandır. Numerologiya-rəqəmlərin bir-birilə qarşılıqlı
münasibəti və əks-təsiri olan fiziki obyektlər, proseslər, insan həyat və
şüurunun sirli əlaqələrinin mövcudluğu ilə bağlı ezoterik (gizli) inanc
sistemidir. Rizvan İsmayıl “İdeal cəmiyyət”, “Özünəqayıdış”, “Müqəddəs”, “Rəqəmsal”,
“Üç kitab”, “Sirli mağara”, “Yaşam tərzi”, “Dua anında”, “Fərqli düşüncə”,
“Mehriban ailə”, “Həyatın rəngi”, Yüksəliş”, “Yeni doğuluş”, “İnsan”, “Müqəddəs
40” və s. əsərlərin müəllifidir.
İstedadlı rəssamın
əsərləri Gürcüstan Parlamentinin Milli Kitabxanasında, Bakıdakı S. Bəhlulzadə
adına Mərkəzi Sərgi salonunda, Türkiyə, Fransa və Rusiyada nümayiş olunub. R.
İsmayıl Parisdəki dünya şöhrətli Luvr muzeyində möhtəşəm bir sərgidə Gürcüstanı
təmsil edib. R. İsmayılın 2015-ci ildə Tiflisdə “Rəssam-rənglərlə şeir yazan bəstəkardır”
adlı kataloqu, Bakıdakı Parlaq İmzalar Nəşriyyatında onun “Rizvan İsmayıl” adlı
daha bir kataloqu nəşr olunub. R. İsmayıl “Açın mənə sərhədləri” adlı əsərini
Bidzina İvanişviliyə hədiyyə edib. Bu əsər indi B. İvanişvilinin evinin ən
görünən hissəsində yerləşir. Əsər ictimai-siyasi və sosial mənada və abstrakt
üsulda işlənib. B. İvanişvili R. İsmayılın Məhəmməd Peyğəmbərin səxavətlə bağlı
fikirləri əsasında çəkdiyi digər rəsm əsərini də yüksək qiymətləndirib. Rizvan
İsmayılın bir şeirlər kitabı və “Gürcüstanda İslam abidələri” tarixinə aid maraqlı
bir kitabı da nəşr olunub.
Nəhayət, rəqəmlərin
sirri ilə dünya ilə danışan istedadlı Borçalı rəssamını dünya tanıdı.
Təbrik edirik,
Hacı Rizvan! Uğurların bol olsun!
GAXA.ge