Qardabani bölgəsində nə baş verir? Karantin olacaqmı?
Son günlər
Qardabani bölgəsində baş verən infeksiya yoluxmalarından çox danışılır və xəbərlər
yayılır. GAXA-nın məlumatına görə, bu barədə yalnız Tiflis deyil, Qardabaninin
özündə və Marneulidə də müxtəlif fikirlər dolaşır. Bildirilir ki, tez bir zamanda
vəziyyət pisləşərsə və COVID-19-a insanların yoluxması kəskin surətdə artarsa,
nəinki Qardabani bölgəsinə, eyni zamanda Gürcüstan paytaxtına gediş-gəliş
qadağan oluna bilər. Biz bu fikirləri tez-tez təkrar olaraq epidemioloqlardan
da eşidirik.
Məlumata görə, bu
vəziyyət, yəni infeksiyanın kəskin artması həm hakimiyyəti, həm də əhalini
narahat edir. Belə ki, 7 min əhalisi olan Qardabani bölgəsindəki 3 kənddə olan
vəziyyət hamını düşündürür və hökumət baş verən koronovirusla bağlı vəziyyətə
qarşı ciddi mübarizə aparır.
Qardabaninin
Qaracalar, AğTəhlə və QaraTəhlə kəndlərində koronavirusa yoluxan 36 nəfər qeydə
alınıb. Məhdudiyyətlər sayəsində min bir yoluxmuş insanın həddi ilk hadisədən cəmi
beş ay sonra aradan qaldırıldığı Gürcüstan üçün bu narahatedici bir rəqəmdir.
Vəziyyətin bu hala
gəlməsindən sonra epidemioloqlar əsasən ölkəyə digər ölkələrdən daxil olanlar və
karantində təcrid olunan xaricdən gələnlərdən danışırlarsa da, indi daxili
ötürmə haqqında danışmağa başlayıblar.
Yaz boyu
Gürcüstanda ən əlverişsiz vəziyyət Qardabaniyə yaxın olan Marneuli və Bolnisi
bölgələrindəki vəziyyət idi. Bunun üçün sərt karantin tədbirlərinin tətbiqi tələb
olundu. İndi də vəziyyət Qardabanidə təkrar olunur.
Gürcüstanın Xəstəliklərə
Nəzarət və İctimai Səhiyyə Milli Mərkəzinin rəhbəri Amiran Qamkrelidze etiraf edib
ki, yerli sakinlər həkimlərlə əlaqə saxlamaq istəmirlər və müayinədən imtina
edirlər.
Gündə min test etmək
tapşırığı ilə rayona gedən altı komanda yalnız 350 biomaterial nümunəsi götürə
bilib.
Gürcüstanın baş həkimi
xəbərdarlıq edib ki, mütəxəssislər tam miqyaslı tədqiqat apara bilməsələr,
yeganə addım karantin elan edilməsi olacaq.
GAXA.ge