David Zalkaliani azərbaycanlı həmkarını yeni vəzifəyə təyin olunması münasibətilə təbrik edib
Dünən Gürcüstanın Xarici
işlər naziri David Zalkaliani azərbaycanlı həmkarı Ceyhun Bayramov ilə telefon
danışığı həyata keçirib. GAXA-nın məlumatına görə, bu barədə Gürcüstan Xarici işlər
nazirliyi məlumat yayıb.
Nazirliyin məlumatına
görə, David Zalkaliani azərbaycanlı həmkarını Xarici işlər naziri vəzifəsinə təyin
olunması münasibətilə təbrik edib və gələcək işlərində uğurlar arzulayıb.
Nazirlər iki ölkə
arasında mövcud dostluq və strateji tərəfdaşlığı dərinləşdirmək üçün fəal işləməyə
hazır olduqlarını bildiriblər. David Zalkaliani Azərbaycan-Ermənistan sərhədində
davam edən vəziyyət barədə həmkarından məlumat eşidib. Nazir bir daha münaqişənin
kəskinləşməsindən narahatlığını bildirib.
David Zalkaliani
ümid etdiyini bildirib ki, beynəlxalq mexanizmlərin, xüsusən də ATƏT-in Minsk
Qrupunun fəal iştirakı ilə sülh danışıqlarına qayıdıb vəziyyəti ləğv etmək
mümkün olacaq.
Ceyhun Bayramov
Prezident İlham Əliyevin sərəncamı ilə Azərbaycan Respublikasının Xarici işlər
naziri təyin edilib.
Qeyd edək ki, Azərbaycan
Prezidenti iyulun 16-da Elmar Məmmədyarovun Xarici işlər naziri vəzifəsindən azad
edilməsi barədə sərəncam imzalayıb.
GAXA.ge