Gürcüstanın Daxili İşlər Naziri: “Rusiya ilə sərhəd bağlıdır”
“Gürcüstanın
Rusiya ilə sərhədi bağlıdır”. GAXA-nın məlumatına görə, bu barədə - Gürcüstanın
Daxili İşlər Naziri Vaxtanq Qomelauri sosial şəbəkə istifadəçilərinin
mesajlarını şərh edərkən bildirib.
Nazirin sözlərinə
görə, ölkəyə yalnız Gürcüstan vətəndaşları buraxılır; ikili vətəndaşlığı olan şəxslər;
habelə həyat yoldaşı və ya uşağı Gürcüstan və Rusiyanın vətəndaşıdırsa. Eyni
qaydalar Rusiya vətəndaşlarına da aiddir.
Nazir qeyd edib
ki, ölkəyə gələnlərin hamısı iki həftəlik karantindən keçirlər.
“Bundan əlavə, bir
çox Rusiya vətəndaşı Koronavirus pandemiyasının başlamasından sonra Gürcüstanda
qalıblar. Onlar ölkəmizdə qanuni yollarla qalıblar və buna haqqları var. Biz
onları qova bilmərik",-deyə Qomelauri bildirib.
Xatırladaq ki, bundan
əvvəl Gürcüstan beynəlxalq planlaşdırılan uçuşlara qoyulan qadağanı iyulun 31-dək
uzadıb.
GAXA.ge