Parlament cərimələrə yenidən baxacaq
Gürcüstan
parlamenti fövqəladə vəziyyət rejiminin pozulmasına görə cərimələrə yenidən
baxmaq niyyətindədir. GAXA-nın məlumatına görə, bu barədə parlament çoxluğunun
lideri, parlament sədrinin müavini Mamuka Mdinaradze bildirib.
M.
Mdinaradzenin sözlərinə görə, Gürcüstan Parlamenti fövqəladə vəziyyət rejimini
və komendant saatını pozduğuna görə tətbiq olunan cərimələrin miqdarını nəzərdən
keçirəcək.
Fövqəladə vəziyyət
rejimini və komendant saatı qaydalarını pozduğuna görə cərimələr az olacaq,
amma parlament onları tamamilə ləğv etmək niyyətində deyil.
Eyni zamanda,
Mdinaradze vurğulayıb ki, heç kimin cərimələri tamamilə ləğv olunmayacaq, çünki
əhali bunu təhdidin keçdiyini göstərən əlamət kimi qəbul edə bilər və bu da öz
növbəsində ölkədə koronavirusun ikinci dalğasının yaranmasına səbəb ola bilər.
"Lakin
digər tərəfdən, 3 min lari çox olduğu aydındır, əhalinin 90% -i belə cəriməni
ödəyə bilməyəcək. Buna əsaslanaraq ortalama bir qərar verməliyik",- deyə
Mdinaradze bildirib.
Deputatın
sözlərinə görə, cərimələrin nə qədər "kəsiləcəyi" müzakirə olunmaqda
davam edir.
Müxalif "Avropa
Gürcüstanı" partiyasına görə, fövqəladə vəziyyət zamanı verilən cərimələrin
ümumi miqdarı 25 milyon larini (7,8 milyon dollar) aşıb.
Martın 21-dən
mayın 23-dək Gürcüstanda fövqəladə vəziyyət zamanı cəmi 7,777 cərimə verilib.
Fövqəladə vəziyyət və komendant saatı qaydalarını pozduğuna görə cərimə üç min
lari (937,5 dollar), hüquqi şəxslər üçün 15 min (təxminən 4,7 min dollar) təşkil
edir.
"Avropa
Gürcüstanı" nın liderlərindən biri Sergi Kapanadzenin sözlərinə görə, keçən
həftə hökumətə bu cərimələri ləğv etməyi təklif etdilər, buna baxmayaraq heç
bir reaksiya olmadığı üçün partiya təşəbbüsü qanun layihəsi olaraq parlamentdə
qeyd etmək qərarına gəlib.
GAXA.ge