Baş nazir: “Gürcüstana artıq fövqəladə vəziyyət və komendant saatı lazım deyil”
Gürcüstanda fövqəladə vəziyyət mayın 22-dən qaldırılacaq. GAXA-nın məlumatına görə, bunu mayın 19-da Kaxetidə olan baş nazir Qiorqi Qaxaria jurnalistlərə verdiyi müsahibədə təsdiqləyib.
Bununla
yanaşı, o, ölkədə koronavirusun yayılmasının qarşısını almağa yönəlmiş müəyyən
məhdudiyyətlərin tətbiq olunacağını qeyd edib. Baş nazir, həmçinin fövqəladə vəziyyət
rejiminin qaldırılmasından sonra vətəndaşları məhdudiyyət və mütəxəssislərin
tövsiyələrinə əməl etməyə çağırıb.
“Biz
bütün məhdudiyyətləri düşünmədən qaldıraraq ölkəni, hər bir vətəndaşı və ölkənin
iqtisadi dirçəlişini riskə atsaq, uğurumuzun qiyməti sıfıra enəcəyini
anlamalıyıq.
Buna
görə də bu məhdudiyyətlərə ehtiyacımız var, amma fövqəladə vəziyyət və
komendant saatı lazım deyil, bu məhdudiyyətlərin məqbul, təsirli və konkret hədəflərə
yönəldilməsi üçün parlamentə müraciət etdik", deyə baş nazir bildirib.
Gürcüstan
hökuməti ölkədə fövqəladə vəziyyət elan etmədən və parlamentin icazəsi olmadan
məhdudlaşdırıcı tədbirlər tətbiq etməyə imkan verən qanunvericiliyə dəyişiklik
təklif edib.
GAXA.ge